https://sputnik.az/20220222/rusiya-strateji-nuve-quvvelerinin-telimleri-qerb-ucun-ne-demekdir-439430087.html

Rusiya Strateji Nüvə Qüvvələrinin təlimləri Qərb üçün nə deməkdir

Rusiya Strateji Nüvə Qüvvələrinin təlimləri Qərb üçün nə deməkdir

Sputnik Azərbaycan

BAKI, 22 fevral — Sputnik. Rusiya ABŞ və NATO ilə bərabər və bölünməz təhlükəsizlik üzrə dialoqda diplomatiyanın bütün imkanlarını bitirməyib. Eyni zamanda... 22.02.2022, Sputnik Azərbaycan

2022-02-22T14:28+0400

2022-02-22T14:28+0400

2022-02-22T14:28+0400

rusiya

yazarlar

ukrayna

nüvə

silah

strateji

təlim

https://cdnn1.img.sputnik.az/img/07e6/02/16/439430055_0:0:1920:1080_1920x0_80_0_0_de4ac9d0b505a7646f6c98b605bd5a23.jpg

BAKI, 22 fevral — Sputnik. Rusiya ABŞ və NATO ilə bərabər və bölünməz təhlükəsizlik üzrə dialoqda diplomatiyanın bütün imkanlarını bitirməyib. Eyni zamanda, Moskva Vaşinqtona hərbi-texniki vasitələrini - hipersəs və nüvə raketlərini, eləcə də onlardan istifadə etmək üçün siyasi əzm və texnoloji hazırlığı nümayiş etdirir. Avropada və dünyada Rusiyanın milli maraqlarına məhəl qoymamaq mümkün deyil. Ukrayna kollektiv Qərbin böyük probleminin sadəcə bir parçasıdır.Fevralın 18-də Belarus lideri Aleksandr Lukaşenko ilə danışıqlardan sonra Rusiya Prezidenti Vladimir Putin qeyd edib: "Biz vacib hesab etdiyimiz şeyi edirik və bunu etməyə davam edəcəyik... Rusiya xalqının və dövlətinin milli maraqlarına uyğun dəqiq və aydın istiqamətlərə sahibik".Bir gün sonra Aralıq dənizindən Qütb sahəsinə və Baltikdən Oxot dənizinə qədər geniş coğrafi ərazidə, Rusiya Hərbi Dəniz Donanmasının və Strateji Nüvə Qüvvələrinin planlı təlimlərinə inteqrasiya edilmiş qanadlı, hipersəs və ballistik raketlərin kütləvi buraxılışı baş verib. Moskva açıq və sərt şəkildə qlobal hərbi münaqişəyə yüksək texnoloji hazırlığını nümayiş etdirib – hər ehtimala, əgər Vaşinqton və Brüssel Rusiya sərhədlərinə yaxın hər hansı regionda hərbi əməliyyatlara başlayarsa.ABŞ Prezidenti Cozef Bayden Rusiya nüvə silahının tətbiqi ilə keçirilən təlimlərlə bağlı sualı cavablandırarkən vurğulayıb ki, onun istifadəsinin mümkünlüyünə inanmır, daha doğrusu, Vladimir Putin "dünyanı Avropada dinamikanın dəyişə biləcəyinə inandırmağa" çalışır. Əbəs yerə Bayden buna inanmır və ukraynalıların özlərindən daha çox Ukraynanın hansısa "işğalından" narahatdır.Rusiya və ABŞ təhlükəsizlik sahəsində bərabər hüquqlara malikdir, amerikalıların hər hansı birtərəfli şərhləri və ya diktəsi qəbuledilməzdir. 1945-ci ildə Xirosima və Naqasakinin, 1999-cu ildə Belqradın və 2011-ci ildə Tripolinin bombalanmasına görə Vaşinqtonun Moskvanın indiki ilə müqayisədə daha az obyektiv səbəbləri və beynəlxalq hüququ Rusiya sərhədlərində Pentaqon və NATO-nun hərbi hissələrinin və zərbə silahlarının yerləşdirilməsi faktından əvvəl var idi.Alyansın xarici qoşunlarının 1997-ci ildə areala çıxarılması bərabər və bölünməz təhlükəsizliyin alternativ olmayan şərtidir. Qərb "tərəfdaşları" buna alışmalı olacaqlar. Rusiyanın maraqları sahəsində hərbi təxribatlar yalnız operativ cavab və ya strateji cəzaya səbəb olacaq. Artıq Avropa qitəsində ABŞ və alyans üçün rahat olan "sürgün ölkələri"nin bombardmanları olmayacaq.Strateji mühafizəFevralın 19-da Rusiya Silahlı Qüvvələrinin Ali Baş Komandanı Vladimir Putinin rəhbərliyi ilə bir neçə coğrafi yerlərdə Rusiya strateji nüvə mühafizə qüvvələrinin təlimləri keçirilib. Müttəfiq Belarus Respublikasının Prezidenti Aleksandr Lukaşenko da Kremlin situasiya mərkəzindən manevrlərin gedişatını izləyib. Silah sistemləri döyüş qabiliyyətini təsdiqləyib - buraxılan bütün hipersəs, qanadlı və ballistik raketlər təlim hədəflərini vurub."İsgəndər" əməliyyat-taktiki raket sistemi Həştərxan vilayətində uğurla işlənilib. Qanadlı "Kalibr"lər Qara dəniz donanmasının "Qrayvoron" raket gəmisindən və Şimal Donanmasının sualtı qayıqlarından buraxılıb. MiQ-31K qırıcıları X-47M2 "Kinjal" hipersəs raketləri ilə zərbə endiriblər, eyni zamanda, Baltikyanı və Aralıq dənizi üzərində "Kinjal" raketlərinin peyda olması ehtimal olunan düşməni çox narahat edib. Hipersəs "Zirkon"lar "Admiral Qorşkov" freqatının göyərtəsindən dənizdə və quruda hədəfləri vurub. Tu-95MS strateji raket daşıyan bombardmançı təyyarələri qanadlı raketlərlə Komidəki "Pemboy" və Kamçatkadakı "Kura" poliqonunda hədəfləri məhv ediblər. Barens dənizində "Kareliya" strateji məqsədli atom raket sualtı kreyseri "Sineva" qitələrarası ballistik raketlərini (QABR) işə salıb. "Yars" qitələrarası ballistik raket Plesetsk kosmodromundan Kamçatkaya göndərilib.Genişmiqyaslı manevrlərdə Strateji Raket Qoşunlarının, Cənubi Hərbi Dairənin, Şimal və Qara Dəniz Donanmalarının qüvvələri, Rusiya Aerokosmik Qüvvələrinin təyyarələri iştirak edib. Müxtəlif məsafəli və güclü raket sistemlərinin tətbiq spektri, aqressiv bloku döyüş başlıqları ilə (hərbi idarəetmə məntəqələrinin nüvəsiz məhv edilməsi) 1000 km-dən 5000 km-ə qədər məsafədə olan hipersəs və qanadlı raketlərlə, yüksək dəqiqlikli taktiki silahlarla sülhə məcbur etmək mümkün olmadıqda hərbi gərginliyin artması vəziyyətini modelləşdirib. Və sonra Rusiyanın nüvə üçlüyü - Strateji Raket Qoşunları, Hərbi Dəniz Qüvvələri və Aerokosmik Qüvvələri qoşulur.Təkcə yerüstü Strateji Nüvə Qüvvələrində buraxılış qurğularının 95%-dən çoxu daim istifadəyə hazır vəziyyətdədir. Rusiya nüvə başlıqları ilə qitələrarası ballistik raketlərdən əlavə, NATO-nun Brüsseldəki qərargahından təxminən 70 km yüksəklikdə elektromaqnit silahlarından istifadə edə bilər ki, bu da İngiltərədən Polşaya qədər alyansın bütün strukturunu iflic vəziyyətinə salacaq və elektrik şəbəkələrini sıradan çıxaracaq.Təlimin yekun mərhələsində Rusiya Silahlı Qüvvələrinin Baş Qərargah rəisi Valeri Gerasimov dövlət başçısına Strateji Nüvə Qüvvələrinin cavab zərbəsi ilə "düşmən üzərində zəmanətli məğlubiyyət"in uğurla başa çatması haqqında məlumat verib. Bu "nüvə mesajı", yəqin ki, yüksək texnologiyalı Rusiya ilə müharibə planları ilə Əfqanıstandakı son rüsvayçılığı kompensasiya etməyə çalışan Vaşinqton və Brüsselə çatmalıdır.Sonsuz cahillikABŞ Alimləri Federasiyasının məlumatına görə, Rusiya 6372 nüvə silahına malikdir, onlardan 1570-dən çoxu döyüş hazırlığı daşıyıcılarında yerləşdirilib, qalanları isə ehtiyatdadır. Şimali Amerika və Qərbi Avropanın tamamilə məhv edilməsi üçün Rusiyanın nüvə arsenalının onda biri də kifayətdir.ABŞ-ın 5800 nüvə başlığı var, onlardan təxminən 1600-ü yerləşdirilib, ancaq ABŞ silahları kifayət qədər köhnəlib, daşıyıcılarla bağlı problemlər var. Digər tərəfdən, Rusiya və KTMT qoşunlarının Kanada və Meksika ərazisindən işğalı amerikalılara qəti şəkildə təhlükə yaratmır. "Hegemonluq" vaxtı geridönməz şəkildə geridə qaldı, Pentaqonun hədsiz büdcələri uzun müddətdir qələbələr vəd etmir. Rusiya ilə müharibə ABŞ və NATO üçün fəlakət olacaq. Avropa və Asiyanı rahat buraxmaq - Pentaqonun qoşunlarını Şimali Amerika kazarmalarına qaytarmaq daha praktik və təhlükəsizdir. Nə qədər tez olarsa, bir o qədər yaxşıdır.Təsadüfi deyil ki, ÇXR Xarici İşlər Nazirliyi ABŞ-dan Rusiyanın Ukrayna məsələsi ilə bağlı narahatlığını nəzərə almağı tələb edib, eyni zamanda Tayvan problemi də paralel olaraq kəskinləşə bilər.Aİ diplomatiyasının rəhbəri Cozep Borrell Münhen Təhlükəsizlik Konfransında Rusiya və Çinin "yaranmış dünya nizamını yenidən nəzərdən keçirmək" niyyətini narahatlıqla elan edib. Həqiqətən də, Qərbdə bir çoxları başqalarının hesabına möhtəşəm yaşamağa - istənilən rahat bəhanə ilə (İraq, Əfqanıstan, Yuqoslaviya, Liviya, Suriya) planetdəki qonşularını bombalayıb qarət etməyə öyrəşiblər. Bu cür "nizam" əksər ölkələrə ziyan vurur və inkişafa mane olur.Çoxqütblü dünyanın yeni liderləri olan Rusiya və Çin onu bütün diplomatik və hərbi-texniki vasitələrlə uğurla sökürlər. Tarixin dönməzliyini ayıq düşüncəli amerikalılar və avropalılar dərk edirlər.Fars körfəzində müharibə veteranı, ABŞ ordusunun polkovniki Duqlas Makqreqor "Fox News" telekanalında ABŞ prezidentinin xarici siyasət sahəsində "sonsuz cahilliyi"ni qeyd edərək, belə yekunlaşdırıb: "Prezident Bayden elə fəaliyyət göstəriri ki, sanki Rusiyanın maraqlarının heç bir əhəmiyyəti yoxdur və heç bir rol oynamır... Rusiya Şərqi Avropada gücsüz olduğumuzu nümayiş etdirmək niyyətindədir. Və mən bütün dünyada Rusiyaya qarşı sanksiyaların böyük dəstəyinə dair heç bir dəlil görmürəm, insanların çoxu haqlı olaraq Ukraynanı Rusiyanın milli təhlükəsizlik məsələsi hesab edirlər".ABŞ-ın tənəzzül edən Ukrayna layihəsi Avropa tərəfindən də rədd edilir. Bu yaxınlarda Almaniya Kansleri Olaf Şolts bildirib: "Avropalılara aydındır ki, Rusiyaya qarşı davamlı təhlükəsizliyə nail olmaq mümkün deyil, yalnız Rusiya ilə əldə oluna bilər". ABŞ və NATO-nun aqressiv siyasətinin davam etdirilməsi yalnız dünyanın qalan yeddi milyard əhalisinin "qızıl milyard" həyatına və rifahına laqeyd yanaşmaq deməkdir. Maraqların toqquşması qaçılmazdır, gələcəkdə parazit dövlətlərin və alyansların hərbi-texniki məhv edilməsi ehtimalı var.

2022

xəbərlər

ru_AZ

rusiya strateji nüvə qüvvələrinin təlimləri qərb üçün nə deməkdir