https://sputnik.az/20220222/putin-ve-eliyev-muttefiqlik-beyannamesini-imzaladilar-439466711.html

Putin və Əliyev Müttəfiqlik Bəyannaməsini imzaladılar

Putin və Əliyev Müttəfiqlik Bəyannaməsini imzaladılar

Sputnik Azərbaycan

Fevralın 22-də Moskvada “Azərbaycan Respublikası ilə Rusiya Federasiyası arasında müttəfiqlik qarşılıqlı fəaliyyəti haqqında” Bəyannamə imzalanıb. 22.02.2022, Sputnik Azərbaycan

2022-02-22T19:47+0400

2022-02-22T19:47+0400

2022-02-22T20:51+0400

rusiya

putin

rusiya prezidenti vladimir putin

prezident ilham əliyev

müttəfiq

https://cdnn1.img.sputnik.az/img/07e5/0b/1a/436708306_0:209:2899:1840_1920x0_80_0_0_88642360e2325ba502752f170aa58a81.jpg

BAKI, 22 fevral - Sputnik. Azərbaycan prezidenti İlham Əliyevlə Rusiya prezidenti Vladimir Putin “Rusiya Federasiyası və Azərbaycan Respublikası arasında müttəfiqlik qarşılıqlı fəaliyyəti haqqında Bəyannamə”ni imzalayıblar.Bu barədə RİA Novosti məlumat yayıb. "Fevralın 22-də Moskvada “Azərbaycan Respublikası ilə Rusiya Federasiyası arasında müttəfiqlik qarşılıqlı fəaliyyəti haqqında” Bəyannamə imzalanıb. Sənədi Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin imzalayıblar", - məlumatda deyilir. Qeyd olunur ki, Rusiya və Azərbaycan prezidentləri Vladimir Putin və İlham Əliyev arasında danışıqlar 4 saatdan bir qədər çox davam edib. Görüş Kremldə baş tutub. Onların müzakirə etdiyi mövzular arasında Ukrayna və Dağlıq Qarabağ məsələsi əsas yerləri tutub.Liderlər mətbuat nümayəndələrinin iştirakı ilə aparılan danışıqlardan sonra “Azərbaycan Respublikası ilə Rusiya Federasiyası arasında müttəfiqlik qarşılıqlı fəaliyyəti haqqında” Bəyannaməni imzalayıblar.Bəyannamə Rusiya ilə Azərbaycan arasında qarşılıqlı fəaliyyətin ən vacib sahələrini əhatə edən 40-dan çox bənd var. Qeyd edək ki, fevralın 21-də Azərbaycan Respublikasının Prezidenti İlham Əliyev Rusiya Prezidenti Vladimir Putinin dəvəti ilə Moskvaya rəsmi səfərə gedib. Fevralın 22-də prezidentlər arasında təkbətək görüş keçirilib. Qarabağ məsələsiPrezident İlham Əliyev Azərbaycanla Ermənistan arasında müharibənin dayandırılmasında Rusiya Federasiyasının vacib rol oynadığını vurğulayıb. Həmçinin qeyd edib ki, Rusiya Azərbaycanla Ermənistan arasında münasibətlərin normallaşmasında, normal qonşuluq münasibətlərinin qurulmasında əsas rol oynayır."RF Azərbaycanla Ermənistan arasında müharibənin birməsində və münaqişənin həllinin qaynar fazadan siyasi-diplomatik sahəyə köçürülməsində çox vacib rol oynayıb. 2020-ci ilin noyabrında sizin şəxsi aktiv iştirakınızla imzalanan üçtərəfli bəyanat bu çoxillik münaqişəni yoluna qoymaqda bizə imkan yaratdı", - Əliyev Putinə deyib."Bu gün regiondakı yeni vəziyyət, geosiyasi reallıqlar dünya ictimaiyyəti tərəfindən qəbul olunub və Azərbaycanla Ermənistan arasında münasibətlərin normallaşdırılması üçün imkanların yaradılmasında, nəqliyyat kommunikasiyalarının açılmasında, normal qonşuluq münasibətlərinin qurulmasında Rusiya vacib, mən deyərdim ki, aparıcı rol oynayır", - İlham Əliyev əlavə edib.Vladimir Putin isə öz növbəsində qeyd edib ki, Qarabağda nəinki orada yaşayan əhalinin təhlükəsizliyinin təminatına dair, eləcə də ticari-iqtisadi əlaqələrin, nəqliyyat kommunikasiyalarının inkişafı üçün artıq müəyyən razılaşmalar var. O, eləcə də qeyd edib ki, müəyyən mübahisələr, aparılmalı işlər var: "Prosesin sülh yolu ilə getməsi üçün, prosesdəki bütün tərəflərin maraqlarının təmin olunması üçün öz tərəfimizdən hər şeyi edəcəyik".İqtisadi əlaqələrV.Putin görüşdə qeyd edib ki, Rusiya ilə Azərbaycanın iqtisadi əlaqələri yaxşı diversifikasiya olunub, bu isə iki ölkə arasında münasibətlərin bundan sonra da inkişafı üçün zəmin yaradır."Bizim iqtisadi əlaqələrimiz kifayət qədər yaxşı diversifikasiya olunub. Bu, bundan sonra da irəliləmək üçün yaxşı zəmin yaradır. Sizə həssas və mənim fikrimcə, Azərbaycan üçün də vacib olan humanitar məsələlərin, ilk növbədə rus dilinin dəstəklənməsi və inkişafına aid məsələlərin həllinə görə minnətdarıq.Bilirəm ki, Azərbaycanın 300 məktəbində rus dili aktiv şəkildə öyrədilir, biz, əlbəttə ki, bunu gələcəkdə də dəstəkləyəcəyik. Regional əlaqələr çox aktiv surətdə inkişaf edir", - Rusiya Prezidenti bildirib.Müttəfiqlik Fəaliyyəti haqda Bəyannamədə 40-dan çox bənd varAzərbaycan Prezidenti İlham Əliyev rusiyalı həmkarı ilə görüşündə bildirib ki, iki ölkənin müttəfiqlik fəaliyyəti haqda imzalanacaq bəyannamədə 40-dan çox bənd var, o, əməkdaşlığın vacib sahələrini əhatə edir."Bəyannamə kifayət qədər əhatəlidir. Orada 40-dan çox bənd var. Bizim qarşılıqlı fəaliyyətimizin ən vacib sahələrini əhatə edir. Və artıq bildirdiyim kimi, bizim gələcək ikitərəfli münasibətlərimiz üçün vacib əhəmiyyət kəsb edəcək", - İlham Əliyev deyib."Bu gün biz Müttəfiqlik Fəaliyyəti haqda Bəyannamə imzalayacağıq. Bu, aydın məsələdir ki, münasibətlərimizin inkişafında yeni mərhələdir və sözsüz ki, həmçinin ümumilikdə tam həll olunmamış, ancaq həlli yolunda irəlilədiyimiz Qarabağ məsələsinin nizamlanması sayəsində mümkün olub", - Rusiya Prezidenti öz növbəsində bildirib.Ukrayna məsələsiRusiya Prezidenti Vladimir Putin azərbaycanlı həmkarı İlham Əliyevlə görüşündə qeyd edib ki, "LXR" və "DXR"-in tanınmasından sonra Moskva Rusiyanın guya imperiyanı bərpa etməsi barədə spekulyasiyaların şahidi olub, ancaq bunlar həqiqətə uyğun deyil."Əlbəttə, sizin ziyarətinizdən istifadə edərək, sizi Ukrayna istiqamətində baş verənlər barədə məlumatlandırmaq istəyirəm. Bilirsiniz ki, dünən Rusiya Donbassın iki xalq respublikasının suverenliyini tanımaq barədə qərar verib. Bəribaşdan demək istəyirəm ki, biz Rusiyanın əvvəlki sərhədləri daxilində imperiyanı bərpa etməsi barədə spekulyasiyaları görürük. Bu qətiyyən həqiqətə uyğun deyil. Sovet İttifaqı dağılandan sonra Rusiya bütün yeni geosiyasi reallıqları tanıdı və postsovet mühitində yaranan bütün müstəqil dövlətlərlə qarşılıqlı fəaliyyətimizin möhkəmləndirilməsi üzərində aktiv iş aparır", - Putin deyib.O qeyd edib ki, Moskva ilə Kiyevin keyfiyyətli qarşılıqlı fəaliyyəti 2014-cü ildə Ukraynada dövlət çevrilişi baş verəndən sonra itib."Hətta çətin, çox çətin situasiyalarda, məsələn, Qarabağ münaqişəsi kimi, biz həmişə çox səliqəli davranmışıq. Bu prosesə cəlb olunmuş bütün dövlətlərin maraqlarını nəzərə alaraq. Və həmişə qarşılıqlı məqbul qərarların əldə olunmasına çalışmışıq. Təəssüf ki, Ukraynada dövlət çevrilişindən sonra bu ölkə ilə bu səviyyə və keyfiyyətdə qarşılıqlı fəaliyyət görmürük, o yoxa çıxıb. Vurğulamaq istəyirəm: məhz dövlət çevrilişindən, o adamların hakimiyyəti qanunsuz olaraq ələ keçirməsindən sonra", - Putin deyib.Putinlə Tokayevin söhbətiRusiya Prezidenti həmçinin bildirib ki, İlham Əliyevin səfərindən öncə qazaxıstanlı həmkarı Kasım-Jomart Tokayevlə danışıb."Bu gün sizin səfərinizdən öncə Qazaxıstan Prezidenti ilə danışmışam. Bu, Rusiyanın öz qonşularının suverenliyini dəstəkləməsi, onu hər cür mökəmləndirməsi barədə ikinci çox yaxşı nümunədir. Qazaxıstan nümunəsi bizim bu cür siyasətimizi təsdiqləyir. Biz Qazaxıstan rəhbərliyinin xahişi ilə onları xarici beynəlxalq terrorizm təhlükəsilə mübarizədə KTMT çərçivəsində dəstəklədik. Bu problem həll olunan kimi biz Qazaxıstan rəhbərliyinin xahişi ilə KTMT kontingentinin bütün hərbi qüvvələrini oradan çıxardıq və Qazaxıstanla bütün sahələrdə əməkdaşlığı davam etdiririk. Bunlar, şübhəsiz ki, həm Rusiyanın, həm Qazaxıstanın xeyrinədir", - Putin bildirib.***Xatırladaq ki, Azərbaycan Respublikasının Prezidenti İlham Əliyev Rusiya Federasiyasının Prezidenti Vladimir Putinin dəvəti ilə fevralın 21-də Rusiya Federasiyasına rəsmi səfərə gəlib. Hər iki ölkənin dövlət bayraqlarının dalğalandığı "Vnukovo-2" Beynəlxalq hava limanında Prezident İlham Əliyevin şərəfinə fəxri qarovul dəstəsi düzülüb.Dövlətimizin başçısı İlham Əliyevi və birinci xanım Mehriban Əliyevanı Rusiya Federasiyasının xarici işlər nazirinin müavini Andrey Rudenko və digər rəsmi şəxslər qarşılayıblar.Digər maraqlı xəbərləri həmçinin Sputnik Azərbaycan-ın Teleqram kanalından izləyin.Həmçinin oxuyun:İlham Əliyevlə Vladimir Putinin görüşü: Bəyannamə, Qarabağ, Ukrayna və digər detallarƏliyevlə Putin Müttəfiqlik Bəyannəməsi imzalayacaqlar

2022

xəbərlər

ru_AZ

putin, rusiya prezidenti vladimir putin, prezident ilham əliyev, müttəfiq