Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

Raymon Domenek: "Qarabağ" "Marsel"i meydanda "süpürdü"

© AP Photo / Daniel Cole"Qarabağ" "Marsel"i
Qarabağ Marseli  - Sputnik Azərbaycan, 1920, 19.02.2022
Abunə olmaq
Raymon Domenek 2004 -2010-cu illərdə Fransa yığmasına rəhbərlik edib.
BAKI, 19 fevral — Sputnik. Fransa millisinin sabiq baş məşqçisi Raymon Domenek "Marsel"in evdə "Qarabağ"a 3:1 hesabı ilə qalib gəldiyi UEFA Konfrans Liqasının pley-off mərhələsinin ilk oyunu barədə "L`Equipe" nəşrinə açıqlama verib.
Sputnik Azərbaycan xəbər verir ki, sabiq baş məşqçi açıqlamasında deyib ki, "Qarabağ" kimi komandaya qarşı fərqli mübarizə gözləyirdik, rəqib bizi meydanda "süpürdü".
70 yaşlı mütəxəssis "Marsel"in oyuna nəzarət edə bilmədiyini söyləyib: "Qarabağ"ı çətinliyə salmadıq. Bəzən insanı narahat edən qələbələr olur. Bəzi oyunçular gözlənilən kimi çıxış etmədilər. İkinci qolumuzda Arkadiuş Milik oyundan kənar vəziyyətdə deyil. Rəqibin də iki hücumunda ofsayd yox idi".
Qeyd edək ki, Raymon Domenek 2004 -2010-cu illərdə Fransa yığmasına rəhbərlik edib.
"Marsel" - "Qarabağ" oyununda Azərbaycan təmsilçisi topa sahib olmada üstün idi - 53%. "Marsel"in üç oyunçusunun sarı vərəqə aldığı matçda "Qarabağ" uduzsa da, qapıçısı Luka Quqeşaşvilinin seyvi UEFA Konfrans Liqasının pley-off mərhələsinin ilk oyunlarında ən yaxşı qapıçı seyvləri sırasında ilk beşliyə düşüb.
"Qarabağ" və "Marsel" komandaları arasındakı cavab görüşü fevralın 24-də Bakıda olacaq. Xəbərdə Report-un tərcüməsindən istifadə olunub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Eləcə də oxuyun:
* “Qarabağ” ilə oyundan sonra “Marsel”ə qarşı iş açılıb - VİDEO
* "Qarabağ"ın qapısını qoruya bilmədi, amma ən yaxşı ola bildi
* "Marsel" - "Qarabağ" oyunundan kadrlar
Xəbər lenti
0