https://sputnik.az/20220127/videosu-yayilan-sagirdler-polisin-3-illik-nezaretine-goturuldu-438552035.html

Videosu yayılan şagirdlər polisin 3 illik nəzarətinə götürüldü

Videosu yayılan şagirdlər polisin 3 illik nəzarətinə götürüldü

Sputnik Azərbaycan

Müəllimə qarşı hörmətsiz davranışlara yol verən üç nəfər 9-cu sinif şagirdi polis tərəfindən profilaktik uçota götürülüb. 27.01.2022, Sputnik Azərbaycan

2022-01-27T11:17+0400

2022-01-27T11:17+0400

2022-01-27T11:20+0400

məktəb

cəmiyyət

polis

nəzarət

şagird

https://cdnn1.img.sputnik.az/img/07e4/09/07/424861960_0:0:2989:1682_1920x0_80_0_0_cbf52bf7ea877207af7628046e9ca908.jpg

BAKI, 27 yanvar — Sputnik. Bir müddətdir ki, sosial şəbəkələrdə 165 nömrəli tam orta məktəbdən videogörüntü yayılıb. Kadrlarda şagirdlərin ədəbsiz davranışları və hətta müəllim yazı yazarkən ona qarşı edilən hörmətsizlik açıq-aşkar görünür. Sputnik Azərbaycan-ın məlumatına görə, müəllimə qarşı hörmətsiz davranışlara yol verən üç nəfər 9-cu sinif şagirdi polis tərəfindən 3 illik profilaktik uçota götürülüb.Məktəbin direktoru Vüqar Məmmədov bildirib ki, müəllimin etik davranış qaydalarını pozduğuna görə töhmət verilib. O əlavə edib ki, təşkilatçı müavin və direktor müavini haqqında da xüsusi təqdimat yazılıb. Direktor həmçinin qeyd edib ki, məktəbdə qeyri-etik hərəkət edənlər 9-cu sinifdə təhsil alır, onlar xüsusi risk qrupuna aid şagirdlərdir. Onun sözlərinə görə, bu şagirdlərin ilk belə tərbiyəsiz davranışı deyil.Qeyd edək ki, ötən gün sosial şəbəkədə şagirdlərin dərs vaxtı qeyri-etik hərəkətlər etməsi ilə bağlı yayılan videonun Bakının Xətai rayonu 165 saylı orta məktəbində çəkildiyi məlum olub.Sputnik Azərbaycan-a bu barədə təhsil üzrə ekspert Kamran Əsədov məlumat verib. O bildirib ki, bununla bağlı araşdırma aparıb. Həmin görüntülərin 165 saylı məktəbdə çəkildiyi üzə çıxıb. Müəllimə qarşı hörmətsiz davranışlara yol verən üç nəfər 9-cu sinif şagirdi polis tərəfindən profilaktik uçota götürülüb. Onlar polisə çağırılaraq, izahatı alınıb. Fakt üzrə araşdırma aparılır.Təhsil Nazirliyi isə bu görüntülərin Azərbaycan məktəblərində baş vermədiyini bildirmişdi.Şagirdlər üzr istəyiblər165 nömrəli tam orta məktəbdən Sputnik Azərbaycan-a verilən məlumatda isə qeyd olunur ki, şagirdlərin sinif otağında tədris prosesinə uyğun olmayan davranışının əks olunduğu videogörüntü ilə bağlı məktəb rəhbərliyi araşdırma aparıb, dərsin təşkilində yol verdiyi nöqsanlara görə fənn müəlliminə töhmət verilib.Məktəbin direktor müavinləri ilə bağlı tənbeh tədbirləri görülməsi üçün isə təqdimat verilib. Həmçinin hüquq-mühafizə orqanlarının əməkdaşları valideynlərlə şagirdlərin izahatlarını alıblar. Üzrxahlıq edən şagirdlər bir daha belə hallara yol verməyəcəklərini bildiriblər. Şagirdlər müvafiq qaydada profilaktik tədbirlər görülməsi üçün qeydiyyata götürülüblər.BŞTİ-dən Sputnik Azərbaycan-a daxil olan məlumatda isə bildirilir:Ümumi təhsil müəssisələrində müəllim-şagird münasibətlərinin tənzimlənməsi, uşaqların psixoloji dayanıqlılığının artırılması məqsədilə müvafiq tədbirlər həyata keçirilir. Tədris prosesinə uyğun olmayan hallara qarşı qanunvericiliyin tələbləri çərçivəsində müvafiq tədbirlərin görülməsi hər zaman diqqət mərkəzində saxlanılır.Qeyd edək ki, bir neçə gün öncə orta məktəblərin birində şagirdlərin müəllimə qarşı hörmətsizlik edərək ayaqlarını partaların üstünə qaldırması, digər xoşagəlməz hərəkətlərə yol verməsi əks olunan videogörüntü yayılıb. Yayılan görüntülər cəmiyyətdə birmənalı qarşılanmayıb.Məlumat üçün bildirək ki, Bakı şəhəri Xətai rayonu 165 nömrəli tam orta məktəbin əsası 1930-cu ildə qoyulub. Əvvəllər məktəbdə tədris ancaq rus dilində aparılıb. Hazırda tədris Azərbaycan və rus dillərində aparılır.Xatırladaq ki, bir müddət öncə Bakıda məktəbdə müəllimin döyülməsi faktı qeydə alınmışdı. Yanvarın 24-də sosial şəbəkələrdə məktəb müəllimini bir nəfər naməlum şəxsin döydüyünü əks etdirən video paylaşım edilib. Həmin görüntülər üzrə polisin apardığı təxirəsalınmaz araşdırmalarla əməli 2000-ci il təvəllüdlü Fərid Əfəndizadənin törətməsi müəyyən olunub. Fakt üzrə Xətai Rayon Polis İdarəsinin İstintaq şöbəsi tərəfindən Cinayət Məcəlləsinin 221.3-cü (Xuliqanlıq) maddəsi ilə cinayət işi başlanıb və keçirilən tədbirlərlə ictimai təhlükəli əməldə şübhəli bilinən F.Əfəndizadə tutularaq istintaqa cəlb edilib. Hazırda istintaq hərəkətləri davam etdirilir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.Həmçinin oxuyun:Biabırçı görüntülərin çəkildiyi məktəbin adı açıqlandı - VİDEO

2022

xəbərlər

ru_AZ

məktəb, polis, nəzarət, şagird