DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

"Lamborghini" planeti xilas etmək istəyir

© pixabay / ArtisticOperationsLamborghini
Lamborghini - Sputnik Azərbaycan, 1920, 26.01.2022
Abunə olmaq
2024-cü ildən başlayaraq bütün modellər, o cümlədən "Urus" və "Aventador" idman avtomobili elektrik mühərrikləri ilə təchiz olunacaq.
BAKI, 26 yanvar — Sputnik. Gələn ildən etibarən İtaliyanın "Volkswagen AG" şirkətinə məxsus "Lamborghini" konserni təkcə benzin mühərrikləri ilə işləyən avtomobillərin istehsalını dayandıracaq. Sputnik Azərbaycan Rusiya mediasına istinadən xəbər verir ki, Şirkət planeti xilas etmək və iqlim məqsədlərinə çatmaq üçün dəyişməyə qərar verib.
Konsernin baş direktoru Stefan Vinkelmann Bloomberg-ə müsahibəsində bildirib ki, 2023-cü ildə "Lamborghini" həm daxili yanma mühərriki, həm də elektrik mühərriki ilə təchiz edilmiş ilk hibrid avtomobilini təqdim edəcək.
2024-cü ildən başlayaraq bütün modellər, o cümlədən "Urus" və "Aventador" idman avtomobili elektrik mühərrikləri ilə təchiz olunacaq. Tam təchiz olunmuş elektro avtomobilin buraxılışı isə 2025-ci ilə planlaşdırılır.
"Lamborghini" elektrik mühərriklərinə keçid məqsədilə rekord məbləğdə – 1,5 milyard avro (1,7 milyard dollar) vəsait ayırıb.
İtaliya avtomobil nəhənginin elektriklə işləyən ilk avtomobilinin dəqiq hansı olacağı isə hələ də bəlli deyil, şirkət yalnız dördqapılı versiyaya üstünlük verdiyini bildirib.
Qeyd edək ki, 2021-ci ilin sonunda "Toyota" da genişmiqyaslı planlarını açıqlamışdı: Yapon konserni 2030-cu ilə qədər 30 elektrik avtomobil modelini təqdim etməyə hazırlaşır. Şirkətin rəhbəri Akio Toyoda söz verib ki, 2035-ci ilə qədər şirkət öz müəssisələrinin karbon neytrallığına nail olmaq niyyətindədir. Qlobal planları həyata keçirmək üçün "Toyota" akkumulyator texnologiyasına sərmayəni 4,4 milyard dollara çatdırmaq istəyir.
İndiyədək bu bazarda lider mövqe tutan Amerikanın "Tesla" şirkəti isə bu yaxınlarda yenilənmiş "Cybertruck" elektrik pikapını təqdim edib. Model hər təkəri müstəqil idarə olunan dörd mühərriklə təchiz edilib. Həmçinin, avtomobildə iki yeni funksiya - "tank " və "krab" rejimi olacaq.
Birinci rejimdə pikap öz oxu ətrafında dönə biləcək ki, bu da elektromobilin manevr qabiliyyətini təkmilləşdirməlidir. İkinci rejimdə isə "Cybertruck" diaqonal şəkildə hərəkət edə biləcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun:
İran “Lamborghini”ni oğurladı, yaratdı və ... – FOTO
Dəyəri yüz minlərlə ölçülən maşın sahibi yolda qoydu
“Tesla” şirkəti 2021-ci ildə rekord sayda elektromobil satıb
Xəbər lenti
0