Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

Azərbaycanlı futbolçuların transfer qiymətləri açıqlandı

© REUTERS / AZIZ KARIMOVŞahrudin Məhəmmədəliyev
Şahrudin Məhəmmədəliyev - Sputnik Azərbaycan, 1920, 05.01.2022
Xəbərlərə abunə olun
"Qarabağ"ın qapıçısı Şahrudin Məhəmmədəliyevin dəyəri 300 min avro artaraq 800 min avroya çatıb.
BAKI, 5 yanvar — Sputnik. Azərbaycan millisində çıxış edən futbolçuların yeni transfer qiymətləri açıqlanıb.
Sputnik Azərbaycan "Report"a istinadən xəbər verir ki, komandanın heyətində yer alan oyunçuların əksəriyyətinin dəyəri 2021-ci il göstəriciləri ilə müqayisədə artıb.
Siyahıda göstərilən 24 oyunçudan yalnız "Sumqayıt"ın müdafiəçisi Tellur Mütəllimovun qiyməti 450 min avrodan 400 min avroya düşüb. 12 nəfərin qiymətinin artdığı siyahıda 11-i dəyişməz qalıb.
"Qarabağ"ın qapıçısı Şahrudin Məhəmmədəliyevin dəyəri 300 min avro artaraq 800 min avroya çatıb. "Köhlən atlar"ın hücumçuları - Ramil Şeydayev və Rüstəm Əhmədzadənin də qiymətlərində dəyişiklik olub. Şeydayevin bazar dəyəri 450 mindən 600 min avroya, Əhmədzadənin isə 200 mindən 300 min avroya qalxıb.
Transfer dəyəri 400 min avro olan "Zirə"nin qolkiperi Mehti Cənnətovda 100 min avroluq artım qeydə alınıb. "Qartallar"ın 19 yaşlı müdafiəçisi Cəlal Hüseynovun qiyməti 150 mindən 300 min avroya çatıb. Onun komanda yoldaşı Coşqun Diniyevdə 100 minlik artım qeydə alınıb - 450 min avro.
"Neftçi"nin müdafiəçisi Mert Çelik (250 min - 350 min avro) və "ağ-qaralar"ın yeni transferi Azər Salahlının (350 min - 400 min avro) dəyəri müsbət yöndə dəyişib. Son ölkə çempionunun kapitanı Emin Mahmudovun qiyməti 1 milyondan 1,2 milyon avroyadək yüksəlib.
Polşanın "Visla" (Plotsk) komandasında çıxış edən Anton Krivotsyukun qiyməti isə 800 mindən 1 milyon avroya çatıb. Legioner həyatı yaşayan digər futbolçu Renat Dadaşovun da qiymətində artım qeydə alınıb. Müqavilə ilə İngiltərə "Vulverhempton"una məxsus olan və icarə əsasında Portuqaliya "Tondela"sında çıxış edən 23 yaşlı hücumçunun qiyməti 100 min avro artaraq 400 min avroya çatıb.
Qeyd edək ki, yığmanın digər futbolçularının qiymətində dəyişikliklər olmayıb.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала