https://sputnik.az/20211227/azerbaycan-fransa-valeri---fransizlar-da-teessuf-edirler-437628582.html

Azərbaycan, Fransa, Valeri - fransızlar da təəssüf edirlər

Azərbaycan, Fransa, Valeri - fransızlar da təəssüf edirlər

Sputnik Azərbaycan

Milli Məclis üzvü bildirib ki, Valeri Pekresin Azərbaycana qanunsuz səfərindən hətta fransızlar da təəssüf edirlər. 27.12.2021, Sputnik Azərbaycan

2021-12-27T16:21+0400

2021-12-27T16:21+0400

2021-12-27T16:21+0400

deputat

siyasət

fransız

təxribat

səfər

fransa

milli məclis

xankəndi

reaksiya

https://cdnn1.img.sputnik.az/img/07e5/0c/1b/437625187_0:0:3072:1728_1920x0_80_0_0_26dd68d5ef77dc87a06ba9f6989230d0.jpg

BAKI, 27 dekabr — Sputnik. Fransanın İl-dö-Frans regionunun prezidenti, Fransada keçiriləcək prezident seçkilərində Respublikaçılar partiyasının namizədi Valeri Pekresin Azərbaycan Respublikasının Xankəndi şəhərinə qanunsuz səfərini Azərbaycan ictimaiyyəti dərin təəssüf hissi ilə qarşıladı. Siyasi təxribat xarakteri daşıyan bu addım Azərbaycan-Fransa münasibətlərinin ruhuna, eyni zamanda, beynəlxalq ictimaiyyətin regionda sülh və sabitliyin təmin olunmasına yönəlmiş səylərinə tamamilə ziddir.Sputnik Azərbaycan xəbər verir ki, bunu Milli Məclisin deputatı Soltan Məmmədov parlamentin dekabrın 27-də keçirilən iclasında söyləyib.Deputat deyib: "Fransanın Vətən müharibəsi dövründə tutduğu mövqe ATƏT-in Minsk qrupunun həmsədri kimi vacib bir missiyanı üzərinə götürmüş bu ölkənin tərəfsizliyinə əsaslı şübhələr yaratmışdı. Son dövrlərdə qarşılıqlı münasibətlərdə etimadın bərpa olunmasına yönəlmiş bəzi təşəbbüslərin şahidi olduq. Fransa hökuməti işğaldan azad olunmuş ərazilərin minalardan təmizlənməsi prosesinə töhfə vermək istəyini bəyan etdi. "Yeri gəlmişkən, qeyd edim ki, bu gizli və qanunsuz səfər Fransanın müəyyən siyasi dairələrində də təəssüflə qarşılanıb. Fransa Milli Assambleyasında Azərbaycan-Fransa Dostluq Qrupunun vitse-prezidenti, Azərbaycanın Dostları Assosiasiyasının prezidenti Jerom Lamber xüsusi bəyanatla çıxış edərək, Fransa və onun nümayəndələrini davamlı sülh naminə beynəlxalq hüququn elementar normalarına hörmət etməyə, qərəzsiz davranmağa çağırıb", - deyə o qeyd edib.Deputat bildirib ki, biz seçki kampaniyasında namizədlərin müəyyən taktiki gedişlərə müraciət etmək məcburiyyətini anlayışla qarşılaya bilərik. Lakin Azərbaycanın ərazi bütövlüyü, suverenliyi, beynəlxalq hüququn fundamental prinsipləri heç bir halda seçki kampaniyasının elementi kimi istifadə oluna bilməz. Bu, həmin namizəd tərəfindən ilk növbədə öz ölkəsinə, eyni zamanda, beynəlxalq hüquqa hörmətsizlikdir.Soltan Məmmədov qeyd edib ki, bütün dünya 44 günlük müharibədən sonra regionda tamamilə fərqli bir reallığın yarandığını, təhlükəsizlik konfiqurasiyasının dəyişdiyini qəbul edir. Aparıcı dövlətlər, o cümlədən Fransa bu yeni tarixi mərhələdə regionda etimad mühitinin formalaşması, iqtisadi, siyasi, humanitar, mədəni əlaqələrin bərpasında mühüm rol oynaya bilər. Bu gün Azərbaycan-Fransa münasibətlərində tarixi əməkdaşlıq üçün çox yaxşı zəmin yaranıb. Bu zəminə əsaslanaraq, münasibətlərin inkişafına çalışmaq hər iki ölkəyə fayda verməklə yanaşı, regionun təhlükəsizliyinə və rifahına da xidmət edər.Eləcə də oxuyun:* Xanım Pekres Ermənistana niyə tələsib?

2021

xəbərlər

ru_AZ

valeri pekres milli məclis fransa azərbaycan səfər xankəndi münasibət təxribat