Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Putin: Rusiya ilə bağlı 2 min ərazi iddiası var

© Photo : Sputnik/Vladimir Smirnov/Pool via REUTERSVladimir Putin
Vladimir Putin - Sputnik Azərbaycan, 1920, 10.12.2021
Xəbərlərə abunə olun
Rusiya prezidenti bildirib ki, indi Sovet İttifaqı dövründən fərqli olaraq heç kimin vahid dövlətdən çıxmaq hüququ yoxdur.
BAKI, 10 dekabr — Sputnik. Rusiya prezidenti Vladimir Putin Vətəndaş Cəmiyyəti və İnsan Haqlarının İnkişafı Şurasının iclasında çıxışı zamanı RF daxilində, o cümlədən, regionlar arasında ərazi iddialarının müzakirəsinə çox ehtiyatla yanaşmağı tövsiyə edib. Sputnik Azərbaycan bu barədə Rusiya mediasına istinadla məlumat yayıb.

"Bizim ölkə üzrə iki min ərazi iddiası var, buna çox ciddi yanaşmaq lazımdır, özümüzə problem yaratmayaq", – deyə Putin kinorejissor Aleksandr Sakurovun bu mövzuda söylədiyi sözlərə cavab olaraq bildirib.

"Siz deyirsiniz ki, bizimlə yaşamaq istəməyənləri buraxaq getsinlər, haradan bilirsiniz ki, kim bizimlə yaşamaq istəyir, kim yox?", – deyə o sual edib.
Putinin sözlərinə görə, bu mövzuda istənilən qədər mübahisə aparmaq olar, ancaq insanların böyük əksəriyyəti başqa cür hərəkət etsələr, nə ilə qarşılaşacaqlarını bilirlər.

"Xüsusən də, çeçen xalqı bunu Qafqazda hamıdan yaxşı bilir. Yoxsa Yuqoslaviya variantının bizim ölkəmizdə də təkrarlanmasını istəyirsiniz?", – deyə Putin dəqiqləşdirmə aparıb.

O, Sokurovun müasir Rusiya subyektlərinin milli xarakter daşımasına dair fikirləri ilə razılaşıb, bununla belə qeyd edib ki, indi Sovet İttifaqı dövründən fərqli olaraq, "heç kimin vahid dövlətdən çıxmaq hüququ yoxdur".
"Sizi inandırıram ki, bütün bunlar təhlükəli oyuncaqlardır, biz artıq bunu keçmişik. Bizim yaşda olan insanlar müharibəyə getməyəcək", - deyə Putin əlavə edib.
"1990-cı illərin ortalarında yaşanan qanlı dövr bütün bunların nə ilə nəticələnə biləcəyini göstərdi. Məgər siz bunu istəyirsiniz? Biz istəmirik", - deyə Putin fikirlərini yekunlaşdırıb.
Həmçinin oxuyun:
Putin: Miqrantlar Rusiyaya gələndə rus dilini və qanunları bilməlidirlər
Qərb Putinin SSRİ-ni bərpa edəcəyindən qorxur
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала