CƏMİYYƏT
Cəmiyyətin həyatında baş verən aktual hadisələr

Həbsdə olan keçmiş MTN polkovnikinin ölüm səbəbi açıqlanıb

© Photo : penitensiar.justice.gov.azAzərbaycan Ədliyyə Nazirliyi Penitensiar Xidməti
Azərbaycan Ədliyyə Nazirliyi Penitensiar Xidməti - Sputnik Azərbaycan, 1920, 09.12.2021
Abunə olmaq
Müxtəlif xroniki xəstəliklərdən, o cümlədən ağır formalı diabet, arterial hipertoniya, kəskin ürək və qan-damar çatışmazlığından əziyyət çəkən 1959-cu il təvəllüdlü Zaki İsmayılov müalicə müəssisəsində uzun müddət zəruri müalicə alıb.
BAKI, 9 dekabr — Sputnik. Ədliyyə Nazirliyinin Penitensiar xidməti ləğv edilmiş Milli Təhlükəsizlik Nazirliyinin sabiq şöbə rəisinin ölümü ilə bağlı məlumat yayıb.
Sputnik Azərbaycan xəbər verir ki, məlumatda deyilir:
"Təhlükəsizlik xidmətinin sabiq əməkdaşı Zakir İsmayılovun cəzaçəkmə müəssisəsində vəfatı barədə yayılmış məlumatla bağlı kütləvi informasiya vasitələrinin sorğularına cavab olaraq Ədliyyə Nazirliyinin Penitensiar xidməti bildirir ki, Naxçıvan MR-in ləğv edilmiş Milli Təhlükəsizlik Nazirliyinin sabiq şöbə rəisi vəzifəsində işləmiş, polkovnik rütbəsində olan Z.İsmayılov xüsusilə ağır cinayət törətdiyinə görə ömürlük azadlıqdan, həmçinin polkovnik rütbəsindən məhrum edilib.
Müxtəlif xroniki xəstəliklərdən, o cümlədən ağır formalı diabet, arterial hipertoniya, kəskin ürək və qan-damar çatışmazlığından əziyyət çəkən 1959-cu il təvəllüdlü Zakir İsmayılov müalicə müəssisəsində uzun müddət zəruri müalicə alıb.
Lakin aparılan tibbi tədbirlərə baxmayaraq, o, 25 noyabr 2021-ci il tarixdə tromboemboliyadan qəflətən vəfat edib".
Eləcə də oxuyun:
* Rafael Cəbrayılovun ölümü ilə bağlı rəsmi açıqlama - Ona virus...
* "Azərxalça"nın sabiq sədri vəfat edib
Xəbər lenti
0