https://sputnik.az/20211206/qarabagda-biznes-fealiyyeti-gostermek-isteyenlerin-ucde-biri-ecnebidir-436985784.html

Qarabağda biznes fəaliyyəti göstərmək istəyənlərin üçdə biri əcnəbidir

Qarabağda biznes fəaliyyəti göstərmək istəyənlərin üçdə biri əcnəbidir

Sputnik Azərbaycan

İqtisadiyyat Nazirliyinə məxsus Ağdam Sənaye Parkının rezidenti olmaq istəyən 4 şirkətlə danışıqlar son mərhələdədir. 06.12.2021, Sputnik Azərbaycan

2021-12-06T16:12+0400

2021-12-06T16:12+0400

2021-12-06T16:12+0400

qarabağ

iqtisadiyyat

əcnəbi

biznes

https://cdnn1.img.sputnik.az/img/07e5/02/0c/426210679_0:321:3071:2048_1920x0_80_0_0_fdebf1f8b62d01842897db6f5e44205d.jpg

BAKI, 6 dekabr — Sputnik. Azərbaycanın işğaldan azad edilmiş ərazilərində sahibkarlıq fəaliyyətinin həyata keçirilməsi ilə bağlı İqtisadiyyat Nazirliyinə 900-dən çox müraciət daxil olub. Sputnik Azərbaycan-ın məlumatına görə, bunu nazir müavini Sahib Ələkbərov Şamaxıda keçirilən "İşğaldan azad edilmiş ərazilərin innovativ iqtisadi inkişaf imkanları" mövzusunda elmi-praktiki konfransda deyib.Onun sözlərinə görə, müraciətlərin təxminən 1/3-i xarici, qalanı isə yerli şirkət və sahibkarlara məxsusdur. "İnvestisiya layihələrinin prioritetliyi təhlil edilir, potensial layihələr müəyyənləşdirilir və informasiya bazasına daxil olunur. İnnovasiya fəallığının artırılması və iqtisadi canlanmanın təşkili, bu sahədə çalışacaq sahibkarlar üçün stimullaşdırıcı mexanizmlər, sahibkarlıq mühitinin yaxşılaşdırılması üçün daha əlverişli şərait yaradılması məqsədilə müvafiq təkliflər hazırlanır. Təkliflərdə vergi, gömrük və kommunal xidmətlər üzrə güzəştlərin tətbiqi, maliyyə mənbələrinə çıxışın asanlaşması (dövlət zəmanəti ilə bank kreditlərinin verilməsi) kimi dəstək tədbirləri əksini tapacaq", - deyə o, qeyd edib.O, həmçinin qeyd edib ki, İqtisadiyyat Nazirliyinə məxsus Ağdam Sənaye Parkının rezidenti olmaq istəyən 4 şirkətlə danışıqlar son mərhələdədir. Parkda sosial zonanın təşkil edilməsi yekunlaşıb: "Burada rezidentlər üçün konteyner tipli ofis, yataqxana, tibb məntəqəsi, aptek, mağaza, yeməkxana yaradılıb, əraziyə asfalt, yol, su xətti çəkilib. İşıqlandırmada günəş enerjisindən qidalanan panellərdən istifadə edilir".Bundan başqa, nazir müavini deyib ki, Ağdam Sənaye Parkının ərazisinin 76 hektarı və yaxud 40%-i minalardan təmizlənib.Eləcə də oxuyun:* Məcburi köçkünlərin statusu ilə bağlı qanun layihəsi hökumətə təqdim olunub* Şəhid ailələri, qazilər və veteranlarla bağlı vergi güzəştlərinin məqsədi* Qarabağda hidroloji stansiyaların qurulmasına başlanılıb

2021

xəbərlər

ru_AZ

qarabağ, əcnəbi, biznes