Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

Fransa millisinin sabiq oyunçusu Messinin mükafat almasını qarət adlandırdı

© REUTERS / BENOIT TESSIERLionel Messi "Qızıl top"la
Lionel Messi Qızıl topla - Sputnik Azərbaycan, 1920, 02.12.2021
Xəbərlərə abunə olun
BAKI, 2 dekabr - Sputnik. Fransa millisinin sabiq oyunçusu Patris Evra "Qızıl top"un "Bavariya"nın hücumçusu Robert Levandovskiyə deyil, növbəti dəfə "Pari Sen-Jermen"in forvardı Lionel Messiyə qismət olmasından narazı qalıb.
Evranın hiddətini Daily Mail qələmə alıb.
"Ey insanlar, gözlərinizi açın. Mən kimin layiq olduğuna qərar verən adam deyiləm, amma hesab edirəm ki, hər kəs razılaşar - bu ki oğurluq, qarətdir. Lionel Messiyə qarşı heç bir kinim yoxdur. Mənim dərdim bu korrupsiyaya bulaşmış futbol təşkilatlarıyladır", - Evra deyib.
"Mançester Yunayted"in keçmiş müdafiəçisi olan Evra irqçilik məsələsini də qabardıb. Onun fikrincə, "Çelsi"nin qolkiperi Eduard Mendiyə bu il Lev Yaşin mükafatının verilməməsi məhz bundan qaynaqlanır.
"Çelsi"nin Çempionlar Liqasında qələbəsi və son 12 ayda gözəl nəticələrinə baxmayaraq, Mendi Parisdəki mükafatlandırma mərasimində gözə dəyməyib. Mükafatı isə bu yay Avropa çempionatındakı qələbə yolunda iki penalti seriyasını qazanmaqda İtaliyaya yardım edən Canluici Donnarumma qazanıb.
Səsvermə nəticələrinə görə, "Qızıl top"u argentinalı futbolçu Lionel Messi alıb. Bu, onun karyerasında artıq yeddinci belə mükafatdır. Ən yaxşı futbolçuların sıyahısında ikinci yeri Robert Levandovski, üçüncü yeri isə "Çelsi"nin və İtaliya millisinin yarımmüdafiəçisi Jorjinyo tutub.
Ötən il "Qızıl top" heç kimə qismət olmamışdı. Həmin vaxt məhz Levandovski favorit sayılırdı. O, Almaniya çempionatında 41, Çempionlar Liqasında 5 qol vurmuşdu. Mükafatı pandemiya səbəbindən təxirə salmışdılar.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала