Xəstəlikdən sonra 1-ci dozanı almışların peyvənd sertifikatı müddətsiz olacaq
© Sputnik / Murad Orujov
Abunə olmaq
Xarici COVID sertifikatlarının etibarlılıq müddəti xarici ölkələrin vətəndaşlarına və vətəndaşlığı olmayan şəxslərə münasibətdə beynəlxalq təcrübədə nəzərdə tutulmuş razılaşmalarla müəyyən edilir.
BAKI, 29 noyabr - Sputnik. Nazirlər Kabineti COVID sertifikatlarının etibarlılıq müddətini müəyyənləşdirib. Bu barədə Sputnik Azərbaycan Nazirlər Kabinetinə istinadən xəbər verir.
Qurumun müvafiq qərarında “COVID-19 xəstəliyinə qarşı peyvənd olunmanı, peyvəndləməyə əks göstərişi, neqativ PZR test nəticəsini əks etdirən və COVID-19 xəstəliyinə yoluxmuş şəxslərin sağalaraq immunitetə malik olmalarını təsdiq edən sertifikatların tanlnması qaydası”nda əksini tapıb.
COVID sertifikatlarının etibarlılıq müddəti aşağıdakı kimidir:
COVID sertifikatlarının etibarlılıq müddəti aşağıdakı kimidir:
COVID-19 xəstəliyinə qarşı peyvənd olunmanı təsdiqləyən sertifikat üzrə – müddətsiz;
COVID-19 xəstəliyinə yoluxmuş şəxslərin sağalaraq immunitetə malik olmalarını təsdiq edən sertifikat üzrə - 6 ay, həmin müddət bitdikdən sonra peyvənd istehsalçısının istifadə təlimatında 2 doza vurulması nəzərdə tutulan peyvəndin 1 dozasını 56 gün ərzində aldıqda – müddətsiz;
peyvəndləməyə əks göstərişi təsdiqləyən sertifikat üzrə – Tibbi Ərazi Bölmələrini İdarəetmə Birliyinin ambulator-poliklinik tibb müəssisələrinin peyvəndləmə prosesinə nəzarət komissiyaları tərəfindən göndərilən tibbi arayışlara baxılaraq, Azərbaycan Respublikası Səhiyyə Nazirliyinin əsaslandırılmış rəyinə əsasən müəyyən edilmiş müddətə;
neqativ PZR test nəticəsini əks etdirən sertifikat üzrə - 72 saat (nəticənin elan olunduğu saatdan).
Xarici COVID sertifikatlarının etibarlılıq müddəti xarici ölkələrin vətəndaşlarına və vətəndaşlığı olmayan şəxslərə münasibətdə beynəlxalq təcrübədə nəzərdə tutulmuş razılaşmalarla, Azərbaycan Respublikası vətəndaşlarına münasibətdə isə bu Qaydaya uyğun olaraq müəyyən edilir.
Həmçinin oxuyun:
Hökumət peyvənd, əks göstəriş və immunitet sertifikatlarının formasını təsdiqlədi
Saxta peyvənd sertifikatı alanlar yandı: vaksinasiya faktını təsdiqləyən test yaradıldı
