SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Sərhədlərin müəyyənləşməsindən sonra Ermənistanla münasibətlər normallaşacaq - XİN başçısı

© Sputnik / Press service of the Ministry of Foreign Affairs of the Russian Federation / Mediabanka keçidCeyhun Bayramov
Ceyhun Bayramov - Sputnik Azərbaycan, 1920, 04.11.2021
Abunə olmaq
Ceyhun Bayramov deyib ki, Vətən müharibəsindəki qələbə regionda əməkdaşlığın yeni mərhələsinə üfüqlər açıb.
BAKI, 4 noyabr — Sputnik. Pandemiya dövründə daşınmaların sayı azalmayıb, əksinə artıb. Sputnik Azərbaycan Report-a istinadən xəbər verir ki, bu fikirləri Azərbaycanın xarici işlər naziri Ceyhun Bayramov Qlobal Bakı Forumu çərçivəsində "Post-COVID-19 dövründə qlobal çağırışlar" mövzusunda keçirilən panel müzakirələri zamanı deyib.
"Vətən müharibəsindəki qələbə regionda əməkdaşlığın yeni mərhələsinə üfüqlər açıb. Hesab edirəm ki, beynəlxalq səviyyədə tanınan sərhədlərin müəyyənləşməsindən sonra Ermənistanla münasibətlər normallaşacaq", - deyə nazir vurğulayıb.
VIII Qlobal Bakı Forumu
Azərbaycan Respublikasının Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə noyabrın 4-də "COVID-19-dan sonrakı dünya" mövzusunda növbəti Qlobal Bakı Forumu işə başlayıb.
Sayca 8-ci olan və noyabrın 6-dək davam edəcək Bakı Forumunda qlobal əhəmiyyət kəsb edən məsələlərin müzakirəsi məqsədilə dünyanın 40-dan çox ölkəsindən ali və yüksək səviyyəli nümayəndələr, sabiq dövlət və hökumət başçıları, beynəlxalq və qeyri-hökumət təşkilatlarının təmsilçiləri, eləcə də digər nüfuzlu qonaqlar iştirak edirlər. Hibrid formatda təşkil edilən tədbirə 300-ə yaxın qonaq canlı və onlayn qaydada qoşulacaq.
Tədbir çərçivəsində keçiriləcək panel iclaslarda "COVID-19-dan sonra yaranan yeni dünya nizamı", "Yeni dünya iqtisadiyyatı", "Yeni dövrdə sülh, təhlükəsizlik və insan hüquqları", "İqlim dəyişikliyi ilə mübarizə və qlobal enerji tələbatının qarşılanması", "Səhiyyə və insanların peyvənd edilməsi", "Qida və qida təhlükəsizliyinin təşviqi", "Gənclər danışır, biz dinləyirik", "Şərq tərəfdaşlığı və onun imkanları" mövzularında, həmçinin Avropa İttifaqı, Balkan regionu və Cənubi Qafqazdakı vəziyyətə dair müzakirələr aparılacaq.
Həmçinin oxuyun:
Biz sülh danışıqlarına başlamağa, sülh müqaviləsini imzalamağa hazırıq - İlham Əliyev
Yaxın günlərdə Azərbaycan və Ermənistan XİN başçıları görüşə bilərlər
Xəbər lenti
0