Портфель чиновника, фото из архива - Sputnik Azərbaycan, 1920
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Hikmət Hacıyev: "Rəsmi Bakı 3+3 formatı üzrə diplomatik təmasları davam etdirir"

© Sputnik / Mihail Voskresenskiy / Fotobanka keçməkHikmət Hacıyev
Hikmət Hacıyev - Sputnik Azərbaycan, 1920, 04.11.2021
Xəbərlərə abunə olun
Prezidentin köməkçisi deyib ki, Azərbaycan bu format əsasında müzakirələri davam etdirməyə və regional əməkdaşlıq mexanizmi, platforması yaratmağa hazırdır.
BAKI, 4 noyabr — Sputnik. Rəsmi Bakı 3+3 regional əməkdaşlıq mexanizminin yaradılmasına dair tərəfdaşları ilə diplomatik vasitələrlə müzakirələri davam etdirir. Sputnik Azərbaycan xəbər verir ki, bunu Azərbaycan Prezidentinin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyev VIII Bakı Qlobal Forumundakı müzakirələr zamanı bildirib.
"Bu format regionun bundan sonrakı əməkdaşlıq istiqamətlərini müəyyənləşdirir. Hazırda bu məsələ ilə bağlı diplomatik kanallar vasitəsilə təmaslar aparılır. Ümumilikdə Azərbaycan bu prosesi dəstəkləyir. Biz bu format əsasında müzakirələrimizi davam etdirməyə və regional əməkdaşlıq mexanizmi, platforması yaratmağa hazırıq", - deyə Hikmət Hacıyev qeyd edib.
VIII Qlobal Bakı Forumu
Azərbaycan Respublikasının Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə noyabrın 4-də "COVID-19-dan sonrakı dünya" mövzusunda növbəti Qlobal Bakı Forumu işə başlayıb.
Sayca 8-ci olan və noyabrın 6-dək davam edəcək Bakı Forumunda qlobal əhəmiyyət kəsb edən məsələlərin müzakirəsi məqsədilə dünyanın 40-dan çox ölkəsindən ali və yüksək səviyyəli nümayəndələr, sabiq dövlət və hökumət başçıları, beynəlxalq və qeyri-hökumət təşkilatlarının təmsilçiləri, eləcə də digər nüfuzlu qonaqlar iştirak edirlər. Hibrid formatda təşkil edilən tədbirə 300-ə yaxın qonaq canlı və onlayn qaydada qoşulacaq.
Tədbir çərçivəsində keçiriləcək panel iclaslarda "COVID-19-dan sonra yaranan yeni dünya nizamı", "Yeni dünya iqtisadiyyatı", "Yeni dövrdə sülh, təhlükəsizlik və insan hüquqları", "İqlim dəyişikliyi ilə mübarizə və qlobal enerji tələbatının qarşılanması", "Səhiyyə və insanların peyvənd edilməsi", "Qida və qida təhlükəsizliyinin təşviqi", "Gənclər danışır, biz dinləyirik", "Şərq tərəfdaşlığı və onun imkanları" mövzularında, həmçinin Avropa İttifaqı, Balkan regionu və Cənubi Qafqazdakı vəziyyətə dair müzakirələr aparılacaq.
Həmçinin oxuyun:
Biz sülh danışıqlarına başlamağa, sülh müqaviləsini imzalamağa hazırıq - İlham Əliyev
Yaxın günlərdə Azərbaycan və Ermənistan XİN başçıları görüşə bilərlər
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала