Автомобильная авария, фото из архива - Sputnik Azərbaycan, 1920
HADİSƏ
Azərbaycanda və dünyada baş verən insident, olay və qəzalar

Leykoz xəstəsi olan uşaq üçün toplanan pulu xərcləyən şəxs saxlanılıb

© Sputnik / Murad OrujovDİN əməkdaşları
DİN əməkdaşları - Sputnik Azərbaycan, 1920, 30.10.2021
Xəbərlərə abunə olun
BAKI, 30 oktyabr — Sputnik. "Instagram" sosial şəbəkəsində leykoz xəstəliyindən əziyyət çəkən bir uşağın şəkillərini paylaşaraq yardım istəyən və edilən yardımları şəxsi ehtiyacları üçün xərcləyən şəxs saxlanılıb.
Sputnik Azərbaycan DİN-in məlumatına istinadən xəbər verir ki, Səbail Rayon Polis İdarəsinə müraciət edən vətəndaşlardan biri şikayət edərək bildirib ki, "Instagram" sosial şəbəkəsində leykoz xəstəliyindən əziyyət çəkən qızının şəkilləri tanımadığı insanlar tərəfindən paylaşılaraq onların adından şəbəkə istifadəçilərindən pul istənilir.
Bununla əlaqədar həyata keçirilən əməliyyat-texniki tədbirlər nəticəsində müəyyən edilib ki, həmin səhifə Gəncə şəhərində yaşayan Rafiq Cəfərov tərəfindən yaradılıb və idarə edilir. Saxlanılaraq idarəyə gətirilən həmin şəxs "Instagram" sosial şəbəkəsində "firuzeye_destek_olaq" adlı səhifə yaratdığını etiraf edib.
Araşdırma zamanı müəyyən edilib ki, R.Cəfərov səhifədə tibbi yardıma ehtiyacı olan şəxsə kömək edilməsi ilə bağlı elan və şəkil yerləşdirərək izləyicilərdən pul toplayıb. Saxlanılan şəxs yardım məqsədilə ona müraciət edən sosial şəbəkə istifadəçilərinə bank kartı göndərərək pulun ora köçürülməsini tələb edib. Daha sonra o, pulları kartdan çıxararaq nağdlaşdırıb və şəxsi istifadəsi üçün xərcləyib. R.Cəfərovun yaşadığı mənzilə baxış keçirilən zaman iş üzrə əhəmiyyət kəsb edən elektron məlumatlar və digər məlumat daşıyıcıları aşkar olunaraq götürülüb.
Qeyd olunan faktın hərtərəfli araşdırılması Səbail Rayon Polis İdarəsinin İstintaq Şöbəsində davam etdirilir.
Eləcə də oxuyun:
* Şəhid polkovnikin adından saxta səhifə açıb fırıldaq edən şəxs saxlanılıb
* Kompüterlərlə bağlı xəbərdarlıq: təhlükə şəkillərdə gizlənib
* Sosial reytinq sistemi: xeyirli qaydalar, yoxsa “rəqəmsal diktatura”?
* İyirmi bir il öncə "zühur edən" İmam Mehdi indi həbsdən qeyb olmağın yollarını axtaracaq
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала