https://sputnik.az/20211029/yol-hereketi-haqqinda-qanuna-deyisiklik-kim-suruculuk-huququndan-mehrum-edile-biler-434703195.html

"Yol hərəkəti haqqında" qanuna dəyişiklik: Kim sürücülük hüququndan məhrum edilə bilər?

"Yol hərəkəti haqqında" qanuna dəyişiklik: Kim sürücülük hüququndan məhrum edilə bilər?

Sputnik Azərbaycan

Hazırda "Yol hərəkəti haqqında" qanunda skuterlərin idarəedilməsi ilə bağlı heç bir məsələ öz əksini tapmayıb. 29.10.2021, Sputnik Azərbaycan

2021-10-29T14:14+0400

2021-10-29T14:14+0400

2021-10-29T14:14+0400

sürücü

cəmiyyət

baş dövlət yol polisi idarəsi

elməddin muradlı

"yol hərəkəti haqqında" qanun

skuter

https://cdnn1.img.sputnik.az/img/42230/68/422306871_0:320:3073:2048_1920x0_80_0_0_fa628d0568c0e04db7b250d266a85462.jpg

BAKI, 29 oktyabr — Sputnik. Azərbaycanda "Yol hərəkəti haqqında" qanuna yenidən dəyişikliklər olacaq. Bu barədə Sputnik Azərbaycan-a Baş Dövlət Yol Polisi İdarəsindəki mənbədən məlumat verilib. Mənbənin bildirdiyinə görə, "Yol hərəkəti haqqında qanun"a bir sıra əlavələr ediləcək. Belə ki, hazırda "Yol hərəkəti haqqında" qanunda skuterlərin idarəedilməsi ilə bağlı heç bir məsələ öz əksini tapmayıb. Təklif edilən dəyişikliklərə görə, qanunda skuterləri idarəetmə yaşı, onların hansı yollarda hərəkəti ilə bağlı məsələlər öz əksini tapacaq. Həmçinin mopedlərin və velosipedlərin idarə edilməsi ilə bağlı da qanuna müəyyən əlavələr nəzərdə tutulub.Yol hərəkəti üzrə ekspert Elməddin Muradlı Sputnik Azərbaycan-a açıqlamasında "Yol hərəkəti haqqında" qanuna dəyişikliyin zamanın tələbi olduğunu bildirib. E.Muradlı deyib ki, hazırkı "Yol hərəkəti haqqında" qanunda bir sıra boşluqlar var ki, onlar aradan qaldırılmalıdır. Ekspert bildirib ki, dəyişdirilməsi zəruri olan məsələlərdən biri narkotik istifadə edərək sükan arxasına əyləşən sürücülərlə bağlı olmalıdır: "Bizim də bu qanuna dəyişikliklərlə bağlı təkliflərimiz var. Hazırda qanun sərxoş sürücü ilə narkotik istifadə edən sürücüyə eyni cəza nəzərdə tutub. Biz təklif edirik ki, narkotik istifadə edib avtomobil və ictimai nəqliyyat vasitəsi idarə edənlərin cəzası daha da sərtləşdirilsin. Onlar tam sağalanadək sürücülük hüququndan məhrum edilsin".E.Muradlı həmçinin bildirib ki, avtoxliqanlıqla bağlı da qanuna dəyişiklər olmalıdır.Qeyd edək ki, "Yol hərəkəti haqqında" qanuna son dəyişiklik bu ilin fevral ayında edilib.Həmçinin oxuyun:Bakıda mikromobil nəqliyyat: skuterləri də icarəyə götürmək olacaqBakıda velosiped və skuter icarəsi sistemi tətbiq oluna bilər

2021

xəbərlər

ru_AZ

sürücü, baş dövlət yol polisi idarəsi, elməddin muradlı, "yol hərəkəti haqqında" qanun, skuter