CƏMİYYƏT
Cəmiyyətin həyatında baş verən aktual hadisələr

Şayiələrə aydınlıq gətirildi: Bakıda avtobus və metroda gedişhaqqı yeni üsulla ödəniləcək

© Photo : Azerbaijan RailwaysTəmassız keçid
Təmassız keçid - Sputnik Azərbaycan, 1920, 27.10.2021
Abunə olmaq
"Daha sonra metroda nəzarət buraxılış məntəqələrində bank kartı vasitəsilə ödənişin aparılması üçün texniki məsələlər həll ediləcək"
BAKI, 27 oktyabr — Sputnik. Azərbaycanda yaxın vaxtlarda bank kartı vasitəsilə gediş haqlarını yükləmək mümkün olacaq. Bu barədə Sputnik Azərbaycan-a açıqlamasında Bakı Nəqliyyat Agentliyinin (BNA) mətbuat xidmətinin rəhbəri Mais Ağayev məlumat verib. O bildirib ki, hazırda sərnişinlərin NFC, QR-kod və birbaşa bank kartı vasitəsilə gediş haqlarını ödəməsi üçün işlər aparılır.
M.Ağayev bildirib ki, hazırda sərnişinlər "Bakıkart"ın balansını onlayn artıra bilirlər. Gələcəkdə isə ödəniş bank kartı vasitəsilə aparılacaq.
M.Ağayev həmçinin "BakıKart" satış və balans yükləmə terminallarında məhdud istifadə üçün nəzərdə tutulan (bir neçə gedişlik) gediş kartlarının satışının dayandırılması məsələsinə də aydınlıq gətirib. O bildirib ki, bunun da səbəbi bank kartı vasitəsilə ödəniş sistemi üzərində aparılan işlərdir. Qurum sözçüsü əlavə edib ki, daha məhdud istifadə üçün nəzərdə tutulan kartlar artıq olmayacaq. Çünki "Bakıkart"ın balansının onlayn, internet üzərindən artırılması xidməti istifadəyə verilib.
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov isə Sputnik Azərbaycan-a açıqlamasında bildirib ki, metroda gediş haqqının bank kartı üzərindən aparılması gələn il tətbiq edilə bilər. O bildirib ki, hazırda bu istiqamətdə texniki dizayn işləri aparılır: "Daha sonra metroda nəzarət buraxılış məntəqələrində bank kartı vasitəsilə ödənişin aparılması üçün texniki məsələlər həll ediləcək. Metroda da gediş haqqının kart vasitəsilə aparılmasının gələn ilə istifadəyə verilməsi nəzərdə tutulub".
Məlumat üçün onu da əlavə edək ki, hazırda avtobusların bir qismində gediş haqqı "Bakıkart", digərlərində nağd formada aparılır. Bakı metrosunda isə gediş haqqı "Bakıkart" vasitəsilə həyata keçirilir.
Xatırladaq ki, oktyabr ayından sərnişinlər online.bakikart.az portalına daxil olub e-mail və ya telefon nömrəsi ilə qeydiyyatdan keçərək şəxsi kabinet yaratmaqla kartın balansını onlayn artıra bilirlər.
Eləcə də oxuyun:
* İctimai nəqliyyatda polis hərəkətə keçdi
* Yol polisindən xəbərdarlıq - "saxla" deyildisə, dayanın!
* Bu marşrut xətti üzrə sərnişindaşımaları "BakuBus"a həvalə edilib
* İctimai nəqliyyatda gedişhaqqı artırılacaqmı?
Xəbər lenti
0