Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Pandemiya gələn il bitəcək, amma...

© AP Photo / Juan KaritaAstraZeneca vaksini, arxiv şəkli
AstraZeneca vaksini, arxiv şəkli - Sputnik Azərbaycan, 1920, 21.10.2021
Xəbərlərə abunə olun
ÜST-ün regional direktoru hesab edir ki, gələn il planet COVID-19-dan deyil, pandemiyadan azad olacaq. Başqa sözlə, qrip kimi COVID-19 ilə yaşamağı öyrənməliyik.
BAKI, 21 oktyabr — Sputnik. Ümumdünya Səhiyyə Təşkilatının (ÜST) Avropa regional bürosunun direktoru doktor Hans Klüge Portuqaliyaya səfəri zamanı etiraf edib ki, 12 yaşa qədər uşaqların COVID-19 əleyhinə peyvənd edilməsi ilə bağlı qərarın verilməsi bir müddət çəkə bilər.
Sputnik Azərbaycan AZƏRTAC-a istinadla xəbər verir ki, doktor Hans Klüge hazırda bəzi klinik sınaqların aparıldığını, lakin sübutların hələ də kifayət qədər inandırıcı olmadığını qeyd edib. Doktor bu mərhələdə bütün Avropa regionunda yetkin əhalinin vaksinasiya ilə əhatə dairəsinin artırılmasının prioritet olduğunu bildirib: "İkincisi, yaşlılara və immuniteti zəif olan insanlara buster dozasını tətbiq etmək lazımdır. Üçüncüsü, məktəblərin açıq qalması çox vacib olduğu üçün 12 yaşdan yuxarı yeniyetmələrin peyvənd olunması lazımdır".
ÜST-nin regional direktoru hesab edir ki, gələn il planet COVID-19-dan deyil, pandemiyadan azad olacaq. Başqa sözlə, qrip kimi COVID-19 ilə yaşamağı öyrənməliyik. Hazırda pandemiyadan qurtarmaq üçün 60 milyard dozaya ehtiyac var.
Hans Klügenin sözlərinə görə, mümkün ssenarilərdən biri COVID-19 əleyhinə vaksinin vaksinasiya planlarının bir hissəsi olması və immuniteti təmin etmək üçün ildə bir dəfə tətbiq ediləcəyindən ibarətdir. "Biz hələ bilmirik, sübutları araşdırmalıyıq, lakin bu, ən çox ehtimal olunan ssenarilərdən biridir", - deyə ÜST-nin regional direktoru vurğulayıb.

Uşaqların koronavirus əleyhinə peyvənd olunmasına münasibətiniz?

Eləcə də oxuyun:
* Səhiyyə Nazirliyi valideynlərə müraciət edib
* Azərbaycanda koronavirus: yoluxma sayı son sutkada 2300-ü keçdi
* Dünyada 241 milyondan çox insan koronavirusa yoluxub
* "Vaksinlərin bölüşdürülməsi ilə bağlı bərabərsizlik yeni ştamların yayılmasına səbəb olur"
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала