https://sputnik.az/20211014/azerbaycanda-daha-bir-idman-novu-uzre-dunya-cempionati-kecirilecek-434197454.html

Azərbaycanda daha bir idman növü üzrə dünya çempionatı keçiriləcək

Azərbaycanda daha bir idman növü üzrə dünya çempionatı keçiriləcək

Sputnik Azərbaycan

Azərbaycan Gimnastika Federasiyası bildirir ki, ilkin qeydiyyat siyahısına əsasən, yarışda 33 ölkədən 300-dək gimnast iştirak edəcək. 14.10.2021, Sputnik Azərbaycan

2021-10-14T15:18+0400

2021-10-14T15:18+0400

2021-10-14T15:18+0400

gimnastika

idman

azərbaycan gimnastika federasiyası

https://cdnn1.img.sputnik.az/img/07e5/05/07/426895846_0:0:1200:676_1920x0_80_0_0_cd12d12404b59877b1e72a17540cd30f.jpg

BAKI, 14 oktyabr — Sputnik. İlin sonuna doğru Azərbaycan Gimnastika Federasiyası daha bir irimiqyaslı beynəlxalq yarışa ev sahibliyi etməyə hazırlaşır. Ölkəmizdə ilk dəfə - noyabrın 18-21-də batut gimnastikası üzrə dünya çempionatı təşkil olunacaq.Sputnik Azərbaycan Azərbaycan Gimnastika Federasiyasına istinadla xəbər verir ki, ölkəmizdə bu növ üzrə daha əvvəl Avropa çempionatı və çoxsaylı dünya kubokları keçirilsə də, paytaxtımız havada pərvazlanan dünya ulduzlarını ilk dəfə belə bir irimiqyaslı yarışda Milli Gimnastika Arenasına toplayacaq.İlkin qeydiyyat siyahısına əsasən, yarışda 33 ölkədən 300-dək gimnast iştirak edəcək. Dörd gün davam edəcək çempionatda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edəcəklər. Bundan əlavə, komanda hesabında qaliblər müəyyənləşəcək.Yarışların ilkin cədvəlinə əsasən, ilk iki gün təsnifat, sonuncu iki gün isə finallar keçiriləcək. Qaydalara əsasən, bir iştirakçı bir neçə proqramda çıxış edə bilər.Çempionatda hər bir proqram üzrə təsnifat və final mərhələləri baş tutacaq.

2021

xəbərlər

ru_AZ

gimnastika, azərbaycan gimnastika federasiyası