CƏMİYYƏT
Cəmiyyətin həyatında baş verən aktual hadisələr

Bəzi müəllimlərə özlərinin razılığı ilə müəyyən məhdudiyyətlər olacaq

© Sputnik / Murad Orujov20 nömrəli məktəbdə tədris prosesi
20 nömrəli məktəbdə tədris prosesi - Sputnik Azərbaycan, 1920, 16.09.2021
Abunə olmaq
Mehriban Vəliyeva qeyd edib ki, müəllimlərə məhdudiyyətin qoyulması heç bir bəhanəsi olmadan vaksinasiyadan imtina edənlərlə bağlı olacaq.
 
BAKI, 16 sentyabr — Sputnik. Bakı məktəblərində 90 faiz müəllim artıq vaksinasiya olunub. Sputnik Azərbaycan-ın məlumatına görə, bunu Bakı Şəhər Təhsil İdarəsinin müdiri Mehriban Vəliyeva deyib. O bildirib ki, bu, tədrisin davamlılığı üçün vacib addımdır.
İdarə müdirinin sözlərinə görə, yeni tədris ilində BŞTİ-nin tabeliyindəki məktəblərdə 471 661 şagirdin təlim-tərbiyəsi ilə 28 167 müəllim məşğul olacaq: "Yeni tədris ilə əlaqədar məktəblərdə sanitar-epidemioloji tədbirlər gücləndirilib".
M.Vəliyeva həmçinin qeyd edib ki, müəllimlərə məhdudiyyətin qoyulması heç bir bəhanəsi olmadan vaksinasiyadan imtina edənlərlə bağlı olacaq: "Əgər kiminsə əks-göstəriş sertifikatı varsa, o, tədrisdə sərbəst iştirak edə biləcək. Lakin səhhətində problem varsa, onların sağlamlıqları üçün özlərinin razılığı ilə müəyyən məhdudiyyətlər olacaq. Hər üç sertifikatın sahibləri əyani tədrisdə iştirak edə bilərlər".
2020-2021-ci tədris ili ərzində 20 direktorla bağlanmış əmək müqaviləsi müxtəlif əsaslarla ləğv edilib. Mehriban Vəliyeva məlumat verib ki, 14 direktorun əmək müqaviləsinə isə təqaüd yaş həddinə çatmaları ilə əlaqədar xitam verilib: "25 direktor fəxri fərmanla təltif edilib. 118 direktorla bağlanan müqavilənin müddəti uzadılıb. Təqaüd yaşı çatan 36 direktorun əmək müqaviləsinin müddəti artırılıb. 1 məktəbin (304 nömrəli) fəaliyyəti dayandırılıb, 2 məktəbin (152, 172) fəaliyyəti bərpa edilib. 2020-2021-ci tədris ili müddətində 21, tədris ili bitdikdən sonra 15 direktorin iş yeri dəyişdirilib.
Eləcə də oxuyun:
Məktəbə buraxılmayan müəllimlərə maaş veriləcək?
Məktəblərdə yeni dərslik tətbiq olunacaq
Nazirlik məktəblərdə dərslərin necə keçiriləcəyini açıqladı
Yeni dalğanın gəlib-gəlməyəcəyini əvvəlcədən bilmək mümkün deyil - ÜST
Xəbər lenti
0