Gözəllik salonuna hücum edən və "patı"nı "arıqlama dərmanı" kimi satan şəxs saxlanıldı

© Sputnik / Anar MustafayevДевушка в наручниках, фото из архива
Девушка в наручниках, фото из архива - Sputnik Azərbaycan, 1920, 03.09.2021
Saxlanılan şəxs ilkin ifadəsində narkotik istifadəçisi olduğunu, törətdiyi qanunsuz hərəkətlərin narkotik vasitələrin təsiri altında etdiyini etiraf edib.
BAKI, 3 sentyabr — Sputnik. Paytaxtda yerləşən mağazalara və gözəllik salonlarına daxil olaraq, xidmət personalını qeyri-etik ifadələrlə təhqir edən, sosial şəbəkələrdə narkotik və psixotrop maddələri təbliğ edən şəxs müəyyən olunaraq saxlanılıb.
Daxili İşlər Nazirliyinin Mətbuat Xidmətindən Sputnik Azərbaycan-a verilən məlumata görə, 1990-cı il təvəllüdlü Tağıyev Kənan Telman oğlunun şəxsi axtarış zamanı üzərindən və yaşadığı ünvandan psixotrop maddə metamfetamin aşkar olunaraq götürülüb.
O, ilkin ifadəsində narkotik istifadəçisi olduğunu, törətdiyi qanunsuz hərəkətlərin narkotik vasitələrin təsiri altında etdiyini etiraf edib.
K.Tağıyev barəsində Cinayət Məcəlləsinin 221-ci (Xuliqanlıq) və 234-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsaletmə, əldəetmə, saxlama, daşıma, göndərmə və ya satma) maddələri ilə cinayət işi başlayıb, istintaq hərəkətləri davam etdirilir.
Xatırladaq ki, saxlanılan şəxs bir müddət əvvəl mağazaya hücum edərək satıcını, eyni zamanda bölmədə polis əməkdaşını təhqir edib. O, bir neçə gün əvvəl məşhur müğənni İradə İbrahimovanın bacısı Nigar İbrahimovaya məxsus "İN Studio" gözəllik mərkəzinə basqın edib.
Qeyd edək ki, Sosial şəbəkələrdə Kənan Tağıyevin gözəllik salonlarındakı qadınlara "arıqlama dərmanı" adı ilə narkotik vasitə olan "patı"nı satdığı barədə məlumatlar da yayılıb. 
Həmçinin oxuyun:
* Gözəllik salonlarında arıqlama dərmanı adıyla "patı" satılır
* Ağ ölümü yayanlar "köhnə dostları"nı da unutmurlar: patı hamısını unutdurmuşdu
* Psixiatr - ""Patı" istifadəçilərinin evdə müalicəsi çətindir"
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала