CƏMİYYƏT
Cəmiyyətin həyatında baş verən aktual hadisələr

AQTA heyvan kəsimi fəaliyyəti ilə məşğul olanlara müaricət edib

© Sputnik / Nigar IskanderovaStasionar heyvan kəsimi məntəqəsi
Stasionar heyvan kəsimi məntəqəsi - Sputnik Azərbaycan, 1920, 06.08.2021
Abunə olmaq
Heyvan kəsimi məntəqəsi bu ərazilərdə əhalinin əsas məşğuliyyətlərindən biri olan heyvandarlığın, həmçinin heyvan kəsimi fəaliyyətinin müasir tələblərə uyğunlaşdırılmasına xidmət edəcək.
BAKI, 6 avqust — Sputnik. "Ağdam rayonunun Quzanlı qəsəbəsində müasir tələblərə cavab verən heyvan kəsimi məntəqəsi" layihəsinin ikinci mərhələsinə start verilib. Azərbaycan Qida Təhlükəsizliyi Agentliyindən Sputnik Azərbaycan-a verilən məlumata görə, AQTA və Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində "ABAD" publik hüquqi şəxsin birgə layihəsinin ikinci mərhələsi "ABAD"çıların seçimindən ibarətdir.
Beləliklə, Qarabağ İqtisadi rayonu (xüsusilə Ağdam rayonunun Quzanlı qəsəbəsi) sakinləri olan və heyvan kəsimi ilə daha peşəkar məşğul olmaq istəyən hər kəs ABAD-ın rəsmi saytında yaradılmış "ABAD"çı ol" funksiyası vasitəsilə müraciət edə bilər.
Növbəti mərhələdə reyestrə daxil olan iştirakçıların seçimi təşkil olunacaq, onların potensialı və biznes idarəetmə səriştəliliyi dəyərləndiriləcək, ət kəsimi sahəsi üzrə "ABAD"çı və ya ABAD-çılar müəyyən ediləcək və onlara "ABAD" dəstək proqramına daxil olan xidmətlər göstəriləcəkdir. Bununla da yerli sahibkarlara peşəkar dəstək göstərilməklə müasir tələblərə cavab verən xidmətlərin təşkilində yeni imkanlar yaradılacaq.
Xatırladaq ki, heyvan kəsimi məntəqəsi bu ərazilərdə əhalinin əsas məşğuliyyətlərindən biri olan heyvandarlığın, həmçinin heyvan kəsimi fəaliyyətinin müasir tələblərə uyğunlaşdırılmasına, istehlakçıların sağlam ət və ət məhsulları ilə təmin olunmasına, həmin ərazilərdə fəaliyyət göstərən sahibkarlar üçün əlverişli biznes mühitinin formalaşdırılmasına xidmət göstərəcək. Məntəqə zoonoz xəstəliklərin nəzarətdə saxlanılması və heyvandan insana keçən xəstəliklərin qarşısının alınması ilə yanaşı, həmin ərazidə heyvan sağlamlığı və baytarlıq nəzarəti mexanizmlərinin də daha səmərəli təşkil olunmasına köməklik göstərəcək.
Eləcə də oxuyun:
Azərbaycanda virus müəmması: Rusiyadan gələn bildirişə görə xəbərdarlıq edildi
"Rosselxoznadzor"un Azərbaycandan pomidor ixracına icazə verdiyi müəssisələr barədə
Elxan Mikayılov: “AQTA toxumların virusa görə müayinəsini həyata keçirir
Xəbər lenti
0