Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

Bonuççini İspaniya millisi ilə oyundan sonra azarkeşlə səhv salıblar

© AFP 2022 / CARL RECINEЗащитник сборной Италии Леонардо Бонуччи
Защитник сборной Италии Леонардо Бонуччи - Sputnik Azərbaycan, 1920, 07.07.2021
Xəbərlərə abunə olun
Yandex newsTelegram
Çərşənbə axşamı Avropa çempionatının İtaliya və İspaniya yığmaları arasında yarımfinal oyununun keçirildiyi Londonun "Uembli" stadionunun stüardı italyanların müdafiəçisi Leonardo Bonuççini meydana çıxmağa çalışan azarkeş bilərək saxlayıb.

İtaliya KİV-ləri çərşənbə günü bu ölkənin yığmasının qələbəni bayram etdiyi kadrları yayıb: Bonuççi azarkeşlərlə sevincini bölüşmək üçün tribunaya yaxınlaşıb və demək olar ki, fanatların lap yanına gəlib. Bundan sonra o geri dönərək meydana qayıtmaq istəyib, lakin bu zaman xanım stüard onu azarkeş bilib saxlayaraq əli ilə tribunaya qayıtmaq işarəsini verib. Bonuççinin üzündə əvvəlcə anlaşılmazlıq ifadəsi görünüb, lakin ardınca futbolçu gülümsəyərək stadionun əməkdaşını bağrına basıb.

Digər bir gülməli epizod da elə italyanlar "Uembli"də qələbəyə sevindikləri zaman baş verib. Komandanın yarımmüdafiəçisi Marko Verratti sevinən oyunçular arasında naməlum adam görüb. Videoçarxlardan görünür ki, Verratti gülərək azarkeşdən onun kim olduğunu soruşub. Bundan sonra təhlükəsizlik xidmətinin əməkdaşları qayda pozucusunu meydandan kənarlaşdırıblar.

Xəbər lenti
0