BAKI, 31 may — Sputnik. Almaniya və Danimarka KİV-lərinin məlumatına görə, Amerikanın xüsusi xidmət orqanları Danimarkanın informasiya kabellərindən İsveç, Norveç, Fransa və Almaniyanın vəzifəli şəxslərini izləmək üçün istifadə edirmiş.
“Qurbanların” sırasında Almaniya kansleri Angela Merkel, həmin illərdə AFR-in xarici işlər naziri vəzifəsini tutan Frank-Valter Ştaynmayer və Sosial-demokart partiyasından AFR-in kansleri postuna namizəd Peyer Ştaynbrük də var.
“Qamış əməliyyatı”
Süddeutsche Zeitung-un ardınca Danimarka Radiosu (DR) öz mənbələrinə istinadən təfərrüat yayımlayıb. Bunlara görə, 4 haker və Danimarka kəşfiyyatının analitiklərindən ibarət qrup çox məxfi qaydada avropalı siyasətçiləri güdürmüş, əməliyyatın ümumi adı isə “Qamış əməliyyatı” olub.
Qrupun gəldiyi nəticələr “Qamış” (Dunhammer) adlı hesabatda toplanaraq 2015-ci ildə Danimarka kəşfiyyatının rəhbərliyinə təqdim olunub.
Danimarka KİV-in məlumatına görə, məhz bu hesabat qalmaqal yaradaraq 2015-ci ildə Danimarkanın xüsusi xidmət orqanı rəhbərliyinin istefasına səbəb olub.
DR-in məlumatına görə, avropalıların izlənməsi barədə nəticələr Danimarkanın hərbi kəşfiyyat xidmətinin 2012-2014-cü illərdə daxili araşdırması zamanı əldə edilib. Bunlara görə, MTA İsveç, Norveç, Fransa və Almaniyanın vəzifəli şəxslərinin izlənməsində Danimarkanın informasiya kabellərindən istifadə edib.
Süddeutsche Zeitung-un məqaləsinə görə, Danimarkanın xüsusi xidmətləri amerikalılara Kopenhagen yaxınlığındakı xüsusi stansiyaya girişə icazə veriblər, buradan isə dinləmələr həyata keçirilib. Nəşrin məlumatına görə, eləcə də Danimarka XİN, Maliyyə Nazirliyi və hərbi-sənaye kompleksi sahəsində aid bir şirkət də izlənilirmiş.
Avropanın reaksiyası
AFR hökumətindən bildirilib ki, Danimarkadan mümkün izlənmə barədə xəbərləri olmayıb. Xüsusən Merkel bu hadisədən ancaq Süddeutsche Zeitung-un yazdığı məqalədən sonra hali olub. Berlin başqa şərh verməkdən imtina edib.
Vəziyyətə Vaşinqtondan da reaksiya verilməyib: MTA və Milli Kəşfiyyatın direktorunun Vaşinqtondakı ofisi, Danimarkanın hərbi kəşfiyyat xidməti şərh verməkdən imtina ediblər.
Adı siyahıda hallanan Ştaynbrük hadisəni “Siyasi qalmaqal” adlandırıb: “Dost kəşfiyyat xidmətlərinin başqa ölkələrin yüksək səviyyəli məmurlarını izləməsi və məlumatları ələ keçirməsi absurddur”.
İsveç və Norveçin hökumətləri Danimarkadan 2013-cü ildə şimal krallıqlarının siyasətçilərinin ABŞ-ın milli Təhlükəsizlik Agentliyi tərəfindən izlənməsi haqda bazar günü yayılan məlumatlara görə izahat istəyib.
Fransanın XİN yanında dövlət katiubi Kleman Bon isə ABŞ-ın Avropa siyasətçilərini izləməsi faktını çox ciddi hüsab edərək bildirib ki, “müvafiq məlumatı yoxlamaq lazımdır”.
Maraqlıdır ki, dərc olunan məlumat Aİ-ABŞ arasında iyunun 15-də keçirilməsi planlaşdırılan sammit ərəfəsində yayılıb. Hansı məqsədlə - hələ də bəlli deyil.
Eləcə də oxuyun:
-
Keçmiş ABŞ prezidenti Reyqanın müşaviri Putindən vətəndaşlıq istədi
-
"Moskvaya xəbərdarlıq": Amerikanın gizli saxlanan təyyarəsi havaya qaldırıldı
-
Rusiyada casus qalmaqalı: məlumatları Ukraynaya ötürürmüş - VİDEO
