BAKI, 11 may — Sputnik. İranın Hərbi Dəniz Qüvvələri (HDQ) “Kənarək” gəmisinin təlim zamanı “Jamaran” eskadron-məhvedici döyüş gəmisi tərəfindən atılmış kruiz tipli raketlə səhvən vurulduğunu təsdiqləyib.
Sputnik Azərbaycan-ın xarici mətbuata istinadla məlumatına görə, HDQ-nin yaydığı açıqlamada bildirilib ki, vermiş insident zamanı 19 nəfər həlak olub, 15 nəfər yaralanıb.
Hadisənin başvermə səbəbləri araşdırılır.
İranşəhr şəhər Tibb Universitetin rektoru bildirib ki, xəsarət alanlar İmam Əli adına xəstəxanaya çatdırılıb.
Xatırladaq ki, bundan əvvəl “Tasnim” xəbər agentliyinin siyasi şöbəsinin müdiri Mehdi Bəxtiyari “Twitter” səhifəsində insident barəsində yazmışdı. Onun məlumatına görə, hadisə Oman körfəzində baş verib. “Jamaran” hərbi gəmisindən buraxılan gəmi əleyhinə raket “Konarak” köməkçi gəmisini vurub.
Hadisə nəticəsində “Konarak”ın batdığı iddia edilir.
