BAKI, 14 mart — Sputnik. Qarışıq idman növləri üzrə döyüşçü, irlandiyalı Konor Makqreqorun xalası koronavirusdan dünyasını dəyişib.
Sputnik Azərbaycan xəbər verir ki, bu barədə idmançı öz "Instagram" hesabında paylaşım edib. O bildirib ki, xalasının ölümü haqda bir neçə gün öncə məlumat alıb: "Mən daha yaşaya bilmirdim. Mənim bədbəxt xalam. Lənətə gəlmiş virus. Bu nə cəfəngiyyatdır".
Makqreqor həmçinin insanları gigiyenik qaydalara riayət etməyə çağırıb.
Qeyd edək ki, Ümumdünya Səhiyyə Təşkilatı martın 11-i "COVID-19" koronavirusunu pandemiya elan edib. Dünyanın 120-dən çox ölkəsində 130 mindən artıq insan koronavirusa yoluxub. Onlardan əksəriyyəti sağalıb, lakin 5 mindən artıq xəstə dünyasını dəyişib.
