BAKI, 8 mart — Sputnik. Mütləq Döyüş Çempionatının (UFC) ən yüngül çəkidə çempionu olan çinli Veyli Çjan polşalı Yoanna Yendjeyçik ilə döyüşdə titulunu qoruya bilib. Sputnik Azərbaycan xəbər verir ki, Çjan hakimlərin fərqli qərarı ilə qələbə qazanıb.
Çinli idmançı döyüş ərzində rəqibinin sifətinə bir neçə güclü zərbə endirib. Nəticədə Yendjeyçikun sifətində böyük hematoma yaranıb. Tamaşaçılar polşalı idmançının sifətinin nə günə düşməsindən dəhşətə gələrək, çinli idmançının onun sifətini dağıtdığını bildiriblər. Bundan əlavə, bir çoxları bu döyüşü UFC tarixində ən yaxşı döyüşlərdən biri hesab ediblər.
Çjan ilk dəfə çempion kəmərini qoruyub. Onun hesabında 21 qələbə və 1 məğlubiyyət var. Yendjeyçik isə 18 görüşdə qələbə qazanıb, 4 görüşdə isə uduzub.
