BAKI, 23 fevral — Sputnik. Türkiyənin "Fənərbağça" klubunun baş məşqçisi Ərsun Yanal istefa edib.
Sputnik Azərbaycan IHA-ya istinadən bildirir ki, buna səbəb bu axşam Kadıköydə oynanan matçda ev sahibinin uduzması olub.
"Qalatasaray"la qarşılaşan "Fənərbağça" 1:3 hesablı məğlubiyyətə üzülüb. "Sözcü" yazır ki, iyirmi bir ildən sonra gələn məğlubiyyətə görə klub rəhbərliyi toplanıb. Ərsun Yanal istefa verib. Oyunda da qırmızı vərəqə alan Ə.Yanal hətta matçdan sonra mətbuat konfransına da gəlməyəcəyini bildirib.
Oyunda qolları: Kruse (21` pen.) (Fənərbağça), Donk (40`), Falkao (80` pen.), Onyekuru (90+7`) (Qalatasaray) vurublar.
Ərsun Yanal (66`), Deniz Türüç (84`) (Fənərbağça), Belhanda (84`) (Qalatasaray) isə qırmızı vərəqə alıblar.
"Fənərbağça" hazırda 38 xalla turnir cədvəlinin 6-cı pilləsində qərarlaşır. "Qalatasaray" isə 45 xalla ikinci pillədədir.
