BAKI, 20 fevral — Sputnik. İngiltərənin "Vulverhempton" klubunda çıxış edən millimizin üzvü Renat Dadaşov yeni sponsorluq müqaviləsi imzalayıb.
Sputnik Azərbaycan xəbər verir ki, bu barədə 21 yaşlı hücumçu özünün "Instagram" hesabında məlumat yayıb. O, "Adidas" şirkəti ilə 3 illik müqavilə bağlayıb.
Yeri gəlmişkən, bildirək ki, Renat Dadaşov "Vulverhempton"un U-23 komandasında çıxış edir. Hücumçunun bu gün əsas komandanın heyətində "Espanyol"la Avroliqa matçında debüt edəcəyi gözlənilir.
Посмотреть эту публикацию в Instagram
Qeyd edək ki, Renat Dadaşov 17 may 1999-cu ildə Almaniyanın Hessen əyalətindəki Rüdeshaym qəsəbəsində anadan olub. Valideynlərinin hər ikisi azərbaycanlıdır. Atası Oleq cavan yaşlarında su polosu üzrə Azərbaycan millisində oynayıb. Renatın böyük qardaşı Rüfət Dadaşov da hal-hazırda Azərbaycan millisinin üzvüdür.
