BAKI, 12 fevral — Sputnik. Argentina Superliqasının 19-cu turunda "Rasinq" və "İndependente" arasında keçirilən matçda maraqlı hadisə baş verib. Sputnik Azərbaycan xəbər verir ki, "Rasinq"in çilili yarımmüdafiəçisi Marselo Dias qarşılaşmanın fasiləsində banan yeməyə vaxt tapmayıb. O, ikinci hissənin başlanmasına bir neçə saniyə qalmış meydanda banan yeyib. Matçın yenidən başlamasına baxmayaraq, Dias banan yeyə-yeyə qaçıb və cərimə zərbəsi yerinə yetirib. Maraqlıdır ki, futbolçu görüşdə yeganə qolun müəllifi olub. O, görüşün 86-cı dəqiqəsində fərqlənib.
¿Lo mejor de Marcelo Díaz en el clásico además del gol? Minutos antes se COMIÓ UNA BANANA mientras jugaba el partido y es más... ¡hasta HIZO UN TIRO LIBRE!
— TyC Sports (@TyCSports) February 10, 2020
Increíble imagen de @PasoaPaso pic.twitter.com/1lraHhYssN
Qeyd edək ki, 33 yaşlı Marselo Dias 2012-2017-ci illərdə Avropanın "Bazel", "Hamburq", "Selta" kimi klublarında top qovub.
