Sənan Şəfizadə: “Bəzi idman növlərində qazanılacaq lisenziyalara böyük ümidlər var”
Azərbaycan idmançıları indiyədək “Tokio 2020” Yay Olimpiya Oyunlarına 10 lisenziya qazanıblar.
İdman şərhçisi Sənan Şəfizadə Sputnik Azərbaycan-a deyir ki, əvvəlki illərlə müqayisədə lisenziyalarımızın sayı azdır: “Amma düşünürəm ki, lisenziyalarımızn sayı artacaq. Xüsusən də güləş, cüdo, boks və digər idman növlərində qazanılacaq lisenziyalara böyük ümidlər var. Yarışın başlamasına qədər daha 25-27 lisenziya qaza bilərik. Tokio olimpiyadasına 40 lisenziya ilə yollana bilsək, bu münasib nəticədir”.
Qeyd edək ki, “Rio 2016” Yay Olimpiya Oyunlarına 56 idmançı ilə qatılan Azərbaycan komandası 1 qızıl, 7 gümüş və 10 bürünc medala sahib olub.
Sənan Şəfizadənin geniş şərhinə audiofaylda qulaq asa bilərsiniz
