BAKI, 24 oktyabr — Sputnik. Venesiyada İsraildən olan turist adam oğurluğunda günahlandırılıb. Bu barədə Sputnik Azərbaycan "The Guardian" nəşrinə istinadən xəbər verir.
Məlumata əsasən, turist 100 dolları avroya dəyişmək üçün Rialto körpüsü yaxınlığında valyutadəyişmə məntəqəsinə gedib. O, əldə etdiyi məbləğdən narazı qalıb və sövdələşməni ləğv edib.
Valyutadəyişmə məntəqəsinin xanım əməkdaşı bunu eləməkdən imtina edib. Bundan sonra turist məntəqənin qapısını bağlayıb və yarım saat ərzində əməkdaşı orada saxlayıb.
Qadın polisə zəng edib və bildirib ki, "narahatdır və qorxur". İsraildən olan turist saxlanılıb, ona qarşı adam oğurluğu maddəsi ilə ittiham irəli sürülüb.
