BAKI, 24 oktyabr — Sputnik. 2030-cu ildə keçiriləcək Dünya çempionatına ev sahibliyi edəcək ölkənin hazırlıq üçün cəmi 6 il vaxtı olacaq.
Sputnik Azərbaycan xəbər verir ki, FİFA-nın qərarına görə, ölkələr müraciət üçün 2022-ci ili gözləməli olacaqlar. 2 il sonra isə 2024-cü ildə səsvermə yolu ilə ev sahibi müəyyən olunacaq. 4 Britaniya ölkəsi - İngiltərə, Şotlandiya, Şimali İrlandiya və Uels İrlandiya ilə birlikdə müraciət üçün müzakirə aparırlar.
Həmçinin Avropanın digər iki ölkəsi - İspaniya və Portuqaliya da eyni addımı atmaq niyyətindədir. Eləcə də Cənubi Amerika təmsilçiləri - Argentina, Uruqvay, Paraqvay və Çili də müraciət etməkdə maraqlıdırlar.
Qeyd edək ki, 2022-ci ildə keçiriləcək Dünya çempionatının ev sahibi Qətərə 12 il hazırlıq üçün vaxt verilmişdi.
