BAKI, 9 sentyabr — Sputnik. Yerevan-Moskva reysinin sərnişinlərindən biri əl yükündə bomba olduğunu elan edərək təlaşa səbəb olub.
Sputnik Azərbaycan RİA Novosti-yə istinadən xəbər verir ki, sözügedən reysi "Sibir" aviaşirkəti həyata keçirirmiş.
"Sentyabrın 9-da "Sibir" aviaşirkətinin 908 saylı Yerevan-Moskva reysində sərnişinlərdən biri heç bir tələb irəli sürmədən əl yükündə bomba olduğunu bildirib", - məlumatda deyilir.
Xuliqan hüquq-mühafizə orqanları tərəfindən saxlanılıb.
Sərnişinlərin üzərində, onların əl yükündə və baqajında, eləcə də təyyarə daxilində axtarışlar həyata keçirilib və qadağa olunmuş əşyalar tapılmayıb.
