BAKI, 29 avqust — Sputnik. Avropa Liqasının pley-off mərhələsinin “Qarabağ” (Azərbaycan) - "Linfild" (Şimali İrlandiya) oyunu keçirilib.
Sputnik Azərbaycan-ın məlumatına görə, Azərbaycan çempionu 2:1 hesabı ilə qələbə qazanaraq, növbəti mərhələyə keçib. Bakıda keçirilən matçda hesabı 6-cı dəqiqədə Xayme Romero açıb. Oyunun 88-ci dəqiqəsində isə Ağdam klubu fərqi artırıb. Komandanın qoluna Abdullah Zubir imza atıb.
Qeyd edək ki, bu komandalar arasında keçirilən ilk görüş 3:2 hesabı ilə "Linfild"in xeyrinə başa çatıb. İki görüşün nəticəsinə görə isə “Qarabağ” 4:3 hesabı ilə qələbə qazanaraq qrup mərhələsinə vəsiqə qazanıb.
