BAKI, 23 avqust — Sputnik. "Qırmızı şeytan"ların yarımmüdafiəçisi Sançes "İnter"ə keçdiyi təqdirdə 36 milyon funt sterlinq əldə edə bilər. Sputnik Azərbaycan "Daily Mail" nəşrinə istinadən xəbər verir ki, klublar oyunçunun bir illik icarə məsələsini müzakirə edirlər. "İnter" çilili oyunçunun keçidini bu həftəsonu həll etmək fikrindədir.
Onlar həmçinin müqavilədə futbolçunun gələcəkdə alınması şərtinin də əks olunacağına ümid bəsləyirlər. "İnter" klubu daimi müqavilə bağlanacağı təqdirdə oyunçuya həftəlik 150 min funt sterlinq ödəməyə hazırdır. Hal-hazırda Sançes "Mançestr Yunayted"də həftəyə 500 min funt sterlinq qazanır. O özü isə aşağı maaş müqabilində keçidin əleyhinədir.
Ola bilər ki, Sançesin "İnter"də keçirəcəyi iki mövsüm müddətində "MY"-nin yaranmış fərqi ödəməsi ilə bağlı bənd müqaviləyə əlavə olunsun. Belə olan halda, ingilis klubu 36 milyon funt sterlinq "tərləməli" olacaq.
