BAKI, 18 iyul - Sputnik. Avropa Liqasında I təsnifat mərhələsinin oyunları davam edir. Bu turnirdə çıxış edən Bakının “Neftçi” klubu cavab oyununu keçirib.
"Neftçi" evdə Moldovanın “Speranta” klubu ilə üz-üzə gəlib.
Görüş 6:0 hesabı ilə "Neftçi"nin xeyrinə başa çatıb. Qolları Vanqelis Platellas (19, 40), Emin Mahmudov (24), Dario Frederiko (43), Stiven Jozef-Monroz (68) və İsmayıl Zülfüqarlı (78) vurublar.
İlk oyunda 3:0 hesabı ilə qalib gələn "Neftçi" növbəti mərhələyə adlayıb.
Eyni turnirdə çıxış edən "Səbail" klubu Rumıniyanın "Universitatya" komandasına məğlub olaraq mübarizəni dayandırıb.
