İradə Cəlil, Rahim Zakiroğlu, Sputnik Azərbaycan
BAKI, 9 iyul — Sputnik. Masallıda səhər saatlarında ağır avtomobil qəzası baş verib.
Sputnik Azərbaycan xəbər verir ki, "Mercedes Vito" markalı mikroavtobus və “KamAZ” markalı yük maşını toqquşub. Hadisə zamanı 8 nəfər ölüb bir nəfər xəsarət alıb.
İlkin məlumata görə, ölənlərdən 4-ü kişi, biri qadın, 2-si məktəb yaşlı uşaq, daha biri isə 3-4 yaşlı körpə olub. Xəsarət alan 1995-ci il təvəllüdlü qadın reanimasiyadadı.
Qəzaya düşən “Mercedes”un sərnişinləri toya gedirlərmiş.
Hadisənin baş vermə səbəbləri ilə bağlı araşdırma aparılır.
