Rahim Zakiroğlu, Sputnik Azərbaycan
BAKI, 6 iyul — Sputnik. Lənkəran rayonu ərazisində ağır yol qəzası baş verib. Sputnik Azərbaycan-n bölgə müxbirinin verdiyi məlumata görə, qəza Lənkəran rayonun Gərmətük kəndi ərazisində qeydə alınıb.
Türkəkəran kənd sakini, 1993-cü il təvəllüdlü Hakim Tahirov idarə etdiyi "QAZ-52" markalı yük avtomobilini yolayrıcında döndərmək istəyərkən, arxadan eyni istiqamətdə gələn Siyavar kənd sakini, 1978-ci il təvəllüdlü Rasim Adət Quliyevin idarə etdiyi "Mercedes" markalı minik avtomobili yük avtomobilinə çırpılıb. Qəza nəticəsində "QAZ-52" markalı yük avtomobili aşıb və sürücü hadisə dünyasını dəyişib.
Yük avtomobilində olan sərnişin Gərmətük kənd sakini, 1964-cü il təvəllüdlü Ehtiram Nurullayev və "Mercedes"in sürücüsü Lənkəran Rayon Mərkəzi Xəstəxanasına çatdırılıblar. Qəzada ağır yaralanan E.Nurullayev xəstəxananın Reanimasiya şöbəsinə yerləşdirilib.
Faktla bağlı araşdırma davam edir.
