Zülfiyyə Quluyeva, Sputnik Azərbaycan
BAKI, 6 iyul — Sputnik. Abşeron rayonu, Masazır kəndi ərazisində yol-nəqliyyat hadisəsi baş verib.
Sputnik Azərbaycan-ın məlumatına görə, Saray qəsəbəsindən Novxanı istiqamətində hərəkət edən "Mitsubishi" markalı avtomobil idarəetmədən çıxaraq aşaraq, yol kənarına düşüb. Avtomobil qaldırıcı kranla vasitəsilə düşdüyü yerdən çıxarılıb. Hazırda faktla bağlı araşdırma aparılır.
Səhiyyə Nazirliyinin mətbuat xidmətinin əməkdaşı Elvin Hacıyev Sputnik Azərbaycan-a açıqlamasında bildirib ki, hadisə zamanı yüngül dərəcəli bədən xəsarətləri alan Rauf İbrahimova ilkin tibbi yardım göstərilib.
