BAKI, 28 iyun — Sputnik. Türkiyə Suriyada ölkə prezidenti Bəşər Əsədə sadiq qüvvələrə zərbələr endirib. Bu barədə Sputnik Azərbaycan "Anadolu" agentliyinə istinadən xəbər verir.
Türkiyə Müdafiə Nazirliyinin yaydığı məlumatda qeyd olunur ki, zərbələr İdlibdə olan müşahidə məntəqələrinin atəşə tutulduğu ərazilərə endirilib.
Nazirlik əməliyyatı "effektiv zərbə" olaraq dəyərləndirilib.
Xatırladaq ki, ötən gün Türkiyə ordusunun Suriyanın İdlib vilayətində olan müşahidə postunun atəşə tutulması nəticəsində bir hərbçi həlak olub, üç nəfər yaralanıb.
"Reuters" nəşri yazır ki, hücumla bağlı Rusiyanın Türkiyədəki səfirliyinin hərbi attaşesi Türkiyə Silahlı Qüvvələrinin Baş Qərargahına çağırılıb. Rusiyanın Ankaradakı səfirliyi məsələni şərh etməyib.
