Təranə Xudabaxşiyeva, Sputnik Azərbaycan
BAKI, 28 aprel - Sputnik. SOCAR Azərbaycan Qran Prisində “Formula 2” üzrə ikinci yarışın bitməsinə dəqiqələr qalır. Sputnik Azərbaycan xəbər verir ki, birincilik uğrunda mübarizə aparan pilotlardan biri də idarəetməni itirərək döngədə divara çırpılıb. Digər iki pilot bolidə çırpılmamaq üçün divara dəyməli olublar. Nəticədə 3 pilot da yarışı vaxtından tez bitirib. Bunlar MP Motosport komandasının pilotu Cordan King, UNİ-Virtuosi Racinq komandasının pilotu Luca Giotta, ART Grand Prix komandasının pilotu Nikita Mazepindir.
Beləliklə, 20 pilotdan 7-si yarışı vaxtından tez birib. 13 pilot qələbə uğrunda müzakirə aparır. Xatırladaq ki, “Trident”komandasının pilotları Giulino Alesi və Ralf Boşunq, “Carlin” komandasının pilotu Luiz Deletraz və “BWT Arden” komandasının pilotu Tatyana Kalderon da yarışı dayandırıblar. Yarışa saat 14:00-da yekun vurulacaq.
Xatırladaq ki, bu gün keçiriləcək “Formula 1” üzrə SOCAR Azərbaycan Qran-prisi saat 16:10-da start götürəcək.
