Yeni təcili tibbi yardım avtomobilləri  - Sputnik Azərbaycan
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Xəstəxanalar Səhiyyə Nazirliyinin tabeliyindən çıxarıldı

© Sputnik / Irade CELILXəstəxana otağı
Xəstəxana otağı - Sputnik Azərbaycan
Ölkə ərazisindəki "Tibbi Ərazi Bölmələrinin İdarəetmə Birliyi" publik hüquqi şəxsin tabeliyinə verilib

BAKI, 18 aprel — Sputnik. Nazirlər Kabineti (NK) "Azərbaycan Respublikasında icbari tibbi sığortanın tətbiqinin təmin edilməsi ilə bağlı bir sıra tədbirlər haqqında" Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanının 5.4-cü bəndinin icrasını təmin etmək məqsədi ilə qərar verib.

Вакцинация школьника против гриппа, фото из архива - Sputnik Azərbaycan
SƏHİYYƏ
Dünyada sürətlə yayılan yoluxucu xəstəliklə bağlı Azərbaycanda son durum

Sputnik Azərbaycan xəbər verir ki, qərar baş nazir Novruz Məmmədov tərəfindən imzalanıb. Qərara əsasən, ""Tibbi Ərazi Bölmələrinin İdarəetmə Birliyi" publik hüquqi şəxsin tabeliyindəki tibb müəssisələrinin Siyahısı" təsdiq edilib.

Eyni zamanda, qeyd edilib ki, bu qərarda dəyişikliklər Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı ilə təsdiq edilmiş "İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə"nin 2.6-1-ci bəndinə uyğun edilə bilər.

Qərar 2020-ci il yanvarın 1-dən qüvvəyə minir.

Səhiyyə Nazirliyinin tabeliyindən çıxarılıb, "Tibbi Ərazi Bölmələrinin İdarəetmə Birliyi" publik hüquqi şəxsin tabeliyinə verilən tibb müəssisələrinin siyahısı KEÇİDdə yer alır.

Xatırladaq ki, ötən ilin dekabr ayında Azərbaycan Respublikasının Prezidenti İlham Əliyev ölkədə icbari tibbi sığortanın tətbiqinin təmin edilməsi məqsədilə İcbari Tibbi Sığorta üzrə Dövlət Agentliyinin (bundan sonra Agentlik) nəzdində “Tibbi Ərazi Bölmələrini İdarəetmə Birliyi” publik hüquqi şəxsin (bundan sonra – TƏBİB) yaradılması haqqında Fərman imzalayıb.

TƏBİB beynəlxalq təcrübəni nəzərə almaqla, tabeliyində olan tibb müəssisələrinin idarə edilməsinin təkmilləşdirilməsi, fəaliyyətinin optimallaşdırılması, habelə daha səmərəli idarəetmə üsullarını tətbiq edərək əhaliyə göstərilən tibbi xidmətlərin keyfiyyətini yüksəltməyə çalışacaq.

Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала