BAKI, 25 mart - Sputnik. Rusiyalı idmançı növbəti dəfə insanları heyrətləndirməyi bacarıb.
Sputnik Türkiyə xəbər verir ki, “Soyuq əfsanəsi” adlandırılan Oleq Rezanov bu dəfə yarıçılpaq vəziyyətdə paraşütdən tullanaraq rekord vurub.
Yakutiya Paraşütçülük Federasiyasından verilən açıqlamada bildirilir ki, idmançı 4.1 kilometr hündürlükdən -23 dərəcədə əynində şortla tullanıb. Beləliklə, rusiyalı idmançı həddindən artıq soyuqda sağ qalma rekordu vurub.
Bu, Rezanovun sərt hava şəraitində həyatda qalmağa istiqamətlənmiş 12-ci dünya rekordudur.
