Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

Bakıda daha bir beynəlxalq turnir keçiriləcək

Abunə olmaq
Yarışın açılış mərasimi 19 yanvar, saat 17:00-da olacaq.

BAKI, 15 yanvar — Sputnik. 18-20 yanvar tarixlərində Bakı İdman Sarayında 20 Yanvar şəhidlərinin xatirəsinə həsr olunmuş növbəti "Arpaçay Open" beynəlxalq karate turniri keçiriləcək.

Karate Federasiyasının mətbuat xidmətindən Sputnik Azərbaycan-a verilən məlumata görə, uşaqlar, yeniyetmələr və gənclər arasında klublararası açıq turniri Azərbaycan Milli Karate Federasiyası (AMKF) və "Arpaçay" karate klubu birgə təşkil edir. Yarışın açılış mərasimi 19 yanvar, saat 17:00-da olacaq.

Turnirin ilk günü bütün yaş qruplarında fərdi kata yarışları, ertəsi gün 6-11 yaşlı uşaqlar arasında fərdi və komanda kumite çıxışları, son gün isə 12-13 yaşlı uşaqlar, 14-15 yaşlı yeniyetmələr və 16-17 yaşlı gənclərin müxtəlif çəkilərdə kumite görüşləri keçiriləcək. Qalib və mükafatçılar təşkilatçıların təsis etdiyi diplom, kubok və medallarla təltif ediləcək.

 

 

Xəbər lenti
0