BAKI, 25 dekabr - Sputnik. Xəbər veridiyimiz kimi, bu gün Azərbaycan Milli Antidopinq Agentliyinin (AMAA) ilin yekunları ilə bağlı hesabat iclası keçirilib. Sputnik Azərbaycan xəbər verir ki, AMAA-nın gördüyü işlərlə bağlı mediaya illik hesabat verən icraçı direktoru Şəfəq Hacıyeva bir sıra məsələlərdən danışıb.
O, həmçinin bu il dopinqdən istifadəyə görə cəzalandırılan idmançılar barədə də danışıb. Bildirib ki, buna görə Azərbaycanın daha 3 idmançısı cəzalandırılıb. Velosipedçi Ramazan Əliyev 33 aylıq, ağırıqqaldıranlar - Emin Qocayev və Rəcəb Mustafayev 48 ay müddətinə diskvalifikasiya olunub.
Bununla da AMADA tərəfindən cəzalandırılan idmançıların sayı 39-a çatıb.
