BAKI, 22 noyabr — Sputnik. İngiltərənin "Mançester Siti" klubunun baş məşqçisi Xosep Qvardiola bəyan edib ki, öz karyerasını milli komandanın baş məşqçisi kimi davam etdirə bilər. Sputnik Azərbaycan xəbər verir ki, mütəxəssis bununla da qolf oynamağa daha artıq vaxtının olacağını bildirib.
"Bəli, gələcəkdə mən özümü milinin baş məşqçisi kimi sınamaq istəyərdim. Hesab edirəm ki, tez ya gec bu baş verəcək. Klub səviyyəsində sıx oyun qrafiki mənim xoşuma gəlir, lakin bəzən qolf oynamaq üçün daha çox vaxta, rahatlığa ehtiyac olur. İndi isə mənim belə bir vaxtım yoxdur".
Qeyd edək ki, Qvardiola 2016-cı ilin yayından "Siti"yə rəhbərlik edir. Onun klubla müqaviləsi 2021-ci ildə bitəcək.
