BAKI, 15 noyabr — Sputnik. Dünən Qəbələ rayonunda ağır yol qəzası baş verib. Sputnik Azərbaycan Fövqəladə Hallar Nazirliyinin mətbuat xidmətinə istinadən xəbər verir ki, "Toyota" markalı minik avtomobili yol kənarındakı ağaca çırpılıb.
Teymur Mustafayev
© © Sosial media
Hadisə yerinə cəlb olunmuş Şimal-qərb Regional Mərkəzinin müvafiq xilasetmə qüvvələri avtomobildə sıxılmış vəziyyətdə qalmış sərnişin, 1974-cü il təvəllüdlü Mustafayev Teymur Siracəddin oğlunun meyitini nəqliyyat vasitəsindən çıxarmış və aidiyyəti üzrə təhvil verilib.
Hadisə zamanı dünyasını dəyişən Teymur Mustafayev "Qəbələ" futbol klubunda qapıçılar üzrə məşqçi işlədiyi məlum olub.
