BAKI, 25 sentyabr — Sputnik. Madrid "Real"ının prezidenti Florentino Peres bəyan edib ki, Kriştianu Ronaldu bir gün kluba geri dönəcək. Bu barədə Sputnik Azərbaycan "Sports.ru"-ya istinadən xəbər verir.
"Əgər FİFA-nın mərasimində biz görüşsə idik, onda böyük sevinclə Kriştianunu qucaqlayardım. "Real" azarkeşləri Ronaldunun 9 mövsüm ərzində bizim klubumuzun heyətində oynamasına görə fəxr edirlər. O, Alfredo Di Stefanonun layiqli varisidir, Kriştianu "Real" heyətində ən çox qol vuran oyunçudur. O, həmişə azarkeşlərin ürəyində qalacaq, onun xatirəsi nəsildən nəsilə ötürüləcək. Kriştianu bir gün "Real"-a qayıdacaq şəxslərdəndir", — deyə Peres qeyd edib.
