BAKI, 10 sentyabr — Sputnik. İtaliyanın "Yuventus" klubunda forma geyinən məşhur futbolçu Kriştianu Ronaldu atdığı addım ilə hər kəsi yenidən heyrətləndirib.
Sputnik Azərbaycan Türkiyə mətbuatına istinadən xəbər verir ki, bir müddət öncə fələstinlilərə maddi yardım göstərən futbolçu müsəlman dünyasının rəğbətini qazanmışdı. Bu dəfə isə portuqaliyalı ulduz Pakistana maddi yardım göstərib.
Pakistanda hər il 10 min insan çirkli su içdiyi üçün ölür. Ronaldu bunun qarşısını almaq üçün Pakistana 15 milyon funt-sterlinq (33 milyon manat) vəsaitlə yardım edib.
33 yaşlı futbolçunun bu hərəkəti sosial mediada təqdir edilib.
